فالمنتخب كاين غير الانضباط فهاد الوقت واللي فرط يخلص 50 اورو. حتى رئيس الجامعة دار فالطة وخلص

طريقة لعب المنتخب المغربي لكرة القدم البطولية والانضباط اللي بانو فيه اللعابة البارح ضد الكوت ديفوار واللي اهلهم لربع نهاية كأس افريقيا ما جايش من فراغ. هاد الانضباط تفرض على الجميع داخل وخارج الملعب.
حسب مصدر "كود" فانه تم فرض 50 اورو على كل واحد كيتكلم فالتلفون ولا يجاوب وقت الماكلة. ماشي غير اللعابة حتى الاداريين بما فيهم رئيس الجامعة الملكية المغربية لكرة القدم فوزي لقجع. الزغبي شي مرة جاوب وخلص 50 اورو.