بزاف الناس اللي كيتبعو كرة القدم ما فهمو والو. كيفاش عبد السلام احيزون باطرون اتصالات المغرب قولب تقوليبة كبيرة رئيس الجامعة الملكية لكرة القدم فوزي لقجع الخبير في المالية؟ فقد اصبحت البطولة المغربية الاحترافية تحمل اسم "البطولة الاحترافية ماروك تلكوم". التوقيع الرسمي على العقد سيكون يومه الخميس على الساعة الخامسة بعد الظهر بمقر الشركة. وهاد الشي بشحال؟ حسب معطيات حصلت عليها "كود" فان قيمة العقد الذي يستمر لمدة اربعة مواسم -من 2015 الى 2019- لا يتجاور 140 مليون درهم اي 35 مليون رهم للسنة. وشحال كان العقد اللي تسالى؟ كان ب120 مليون درهم اي 30 مليون درهم. واش هادي ماشي تصطية؟ على خمسة المليون درهم باع فوزي لقجع اسم "هادي راها شوهة كبيرة واكثر من تصطية. كيفاش تقبل الجامعة تبيع اسم البطولة الاحترافية بهاد الثمن لقليل بزاف بزاف بزاف اي 5 مليون درهم زيادة " يوضح مصدر ل"كود" ويحمل المسؤولية للجامعة "هما مالين هاد الشوهة اما احيزون راه معلم وباع صورة شركتو باقل ثمن بحال اي تاجر شاطر". في العقد السابق كانت اتصالات المغرب تدفع هذا الثمن مقابل وضع علامة الشركة فالتونيات ديال الاندية مع بعض الاشهارات فالتيرانات وفالتلفزيون الى كان نقل تلفزيوني ودابا راه الاسم كلو ولى باسم اتصالات المغرب لكن واش هاد الشي اللي دارتو الجامعة عندو علاقة بالفلوس؟ حسب مصدر جامعي ل"كود" فان مالية الجامعة "مريحة بزاف" "راه اول مرة الجامعة كتعطي الشطر الثالث للاندية وضوبلات المنح لعدد من الاندية وللبطولة النسائية. هاد الشي يعني ان مشكلة لفلوس ما مطروحاش" يؤكد مصدر "كود". للاشارة فان شركة "اتصالات" الاماراتية المالكة الجديدة ل"اتصالات المغرب" ما قدرتاش دير هاد الشي فالامارات اللي عندها بطولة متخلفة اذ ان اسم "اتصالات" يطلق على كأس الامارات. واش هادي ماشي شوهة
