تعيين حكومة العثماني تاجل لغدا الاربعاء. وزارة الشبيبة والرياضة بغاو يرجعو فيها الروح وجابو ليها هاد الكاليبر لكبير فالسياسة

التجمع الوطني للاحرار داخل بفرقة مزيانة للحكومة. تقريبا الحزب الوحيد للي جاب ناس مزيانين فقطاعاتهم. رئيس الحزب عزيز اخنوش خدا وزارة الفلاحة والصيد البحري والمياه والغابات ومعاه وزيرة منتدبة هي مباركة بوعيدة اللي غادية تكون وزيرة منتدبة مكلفة بالصيد البحري بالاضافة الى كاتب دولة اخر. مولاي حفيظ العلمي خدا وزارة كبيرة فيها الاقتصاد والصناعة والتجارة والاستثمار فيما بقى عند محمد بوسعيد وزارة المالية. من مفاجئات الحكومة تعيين احد قادة التجمع الوطني للاحرار هو رئيس البرلمان رشيد الطالبي العلمي فوزارة الشبيبة والرياضة. بعد تجارب خايبة فحكومة بنكيران هاد الحكومة باغية ترجع الروح وجابت شخصية غادية تغير بزافت الامور.
الاحرار عندهم مرا اخرى فالحكومة الثانية لم يكشف عنها ولا عن القطاع اللي خداتو. وعندهم طبعا محمد اوجار فوزارة العدل
تأجيل تعيين الحكومة الى الغد الاربعاء عندو علاقة باختصاصات وزارة العدل الجديدة. الملك اليوم غادي يعين اليوم اعضاء المحكمة الدستورية واعضاء السلطة القضائية اليوم فكازا