جمهور الرجاء هزوا لما.. مغاديش يشجع فرقتو بدشيرة

غادي القى جمهور الرجاء مشكل كبير باش ادخل لتيران ديال دشيرة باش اشجع اللاعبين في الماتش ديال الرجاء مع دشيرة، بسبب قرار السلطات ديال المدينة لتافقوا على أنهم اطبعو 300 تذكر فقط لمجهور ديال الرجاء و1200 تذكرة للجمهور ديال الدشيرة.
جماهير الرجاء لكتعد بالآلاف مغاديش تقدها 300 ولا حتى ألف ورقة لأن التنقل ديالهم كيكون بأعداد كبيرة خصوصا أن الماتش مهم ديال كاس العرش واقدر الرجاء اتقصاو إلى مربحو شتماك.
المباراة كانت مهددة بالالغاء بسباب أن السلطات رفضوا اخليو الفريق ديال دشيرة العبوا في ترانهم، ولكن بعد اجتماع داروه هاد الصباح مع المسؤولين ديال الفرقة سمحوا ليهم العبوا تماك ولكن بشرط اطبع غير 1500 تذكرة وعطيو للرجاء غير 300 تذكرة.
الماتش ديال الذهاب سالا بزيرو لزيرو وكلشي باقي ملعوب في الماتش ديال الروتور في دشيرة، ولا تقصات الرجاء غاريدو غادي امشي فيها.