الياميق مبغاش العب مع الرجاء ومشاوش لأكادير بلا بيه

رفض جواد الياميق، مدافع الرجاء الرياضي، امشي مع الفرق لأكادير باش العب الماتش ضد أولمبيك دشيرة، ديال الروتور برسم كأس العرش.
الياميق قال لغاريدو أنا غادي للمنتخب ومغاديش نمشي معاكم لأكادير، وهادشي بسباب الخلاف لكين بين اللاعب والمدرب، وحتى صحابو لكانو معاه في المنتخب المحلي عندهم مشكل مع المدرب الاسباني.
واستغل اليميق الدعوة ديال رونارد باش اكون مع المنتخب المغربي في الماتش ديال مالي، ورفض امشي الأكادير، على أساس زعما أنه اليوم خصو امشي للصخيرات باش اكون مع المنتخب الوطني.
وكان بامكان الياميق العب الماتش ديال الرجاء ضد دشيرة من تماك التحاق بالمنتخب، ولكن حينت عندو مشكل مع غادريو، لخلاه هو وصحابو في الاحتياط في الماتش ديال الذهاب، بغا ارد ليه الصرف ورفض العب الماتش ديال الاياب.
وكيف سبق وقلنا العلاقة بين المدرب واللاعبين ماشي هي هاديك، خصوصا أن المدرب كيبغي ادير فيها أنه هو لكيحكم واللاعبين كيتمردو عليه، وكيتخاصمو معاه.