بالفيديو شوفو كيفاش تسيفات هاد لمياء بوطالب. كتهدر بلسان مغربي فصيح بلا وراق وكتفاعل وكتحشي الهدرة: مرحبا اللي كيهدر بالعربية ومرحبا باللي ما كيهدرش بيها وباللي عندها الصاية واللي عندها الدرة هادا هو مغربنا

لمياء بوطالب كاتبة الدولة مكلفة بالسياحة طلقات وتسيفات. جنية وصافي من البرلمان باش شدو فيها لليوم دارت مجهود كبير. البارح فافتتاح الجامعة الخريفية لحزب التجمع الوطني للاحرار بمراكش تكلمات بطلاقة بالمغربية. تلكمات وتفاعلات. تكلمات بمغربيتنا. بلا ورقة بلا والو. تكلمات العنف واللا تسامح ورفض الاخر. وقالت "مرحبا باللي عندو لكرافاطة ومرحبا باللي عندو الجلابة ومرحبا باللي عندها الصاية ومرحبا باللي عندها الدرة ومرحبا باللي عندو ومرحبا باللي ما عندوش ومرحبا باللي خدام وباللي ما خدامش" وطبعا مناسبة تحشي الهدرة وقالت "مرحبا باللي كيهدر بالعربية وباللي ما كيهدرش بها. هادا هو مغربنا".