انفراد. هاد رئيس الجمعية خدم مع البام فالانتخابات الاخيرة وناس التراكتور كيحسبوه على البي جي دي علي قبال هاد الفيديو

اكد مصدر مقرب من هاد رئيس الجمعية لحديدي اللي تسبب فقتل 15 مرا اليوم ب"بولعلام" ل"كود" ان هاد المقري المليونير دعم فالانتخابات التشريعية الاخيرة مرشح الاصالة والمعاصرة او مرشحته =فالصويرة اسماء الشعبي. المصدر قال ل"كود" انه قام بتوزيع قبعات واقمصة تابعة للبام فهاد الحملة.
الداخلية كانت نفت وفق مصدر ل"كود" ان يكون لهاد الشخص انتماء سياسي لكن كيفاش واحد كيفرق هادي 6 سنين مساعدات وكيجمع عليه الالاف ما يتمش اللجوء اليه فاخر انتخابات تشريعية واللي كانت فيها السلطة كتدعم بشكل فاضح ناس التراكتور.
ناس التراكتور كاليك اسيدي راه ديال البي جي دي وباش يقنعو الناس كاليك راه حضر لاربعينية عبد الله باها فسطات وقرا القرآن. هاد الشي كان ف2014
القرائن تذهب الى ان هاد السيد دعم ناس البام فالانتخابات الاخيرة. هاي هاي كون قرب للبي جي دي الداخلية تخليه يتبورد كيف اليوم
وكان البام اول حزب خرج ببيان يعلن تضامنه مع عائلات الضحايا، يشدد على ضرورة فتح تحقيق في كل ملابسات الفاجعة وكشف نتائجه للرأي العام وترتيب الآثار القانونية.
واعلن الحزب أنه حريص على متابعة هذه القضية باهتمام بالغ وبالمطالبة بتخصيص الجلستين الأسبوعيتين للأسئلة الشفوية لهذه الفاجعة، والاستدعاء العاجل للوزراء المعنيين إلى اللجان البرلمانية الدائمة المتخصصة"