ها اللي 10 لحوايج عاونات البي جي دي يجي الاول =عوامل خارجية=: خدام الدولة والفساد في خطاب العرش والغضبة الملكية وفضيحة الكوبل والجنس عندهم ومريم بنصالح ومخاريق والقباج والمغراوي وسيطايل

حسم المغاربة الانتخابات التشريعية بالتصويت بكثافة علي العدالة والتنمية. اعطى المغاربة لحزب المصباح الاصوات لقيادة ولاية ثانية للحكومة. نال الحزب بعد فرز 90 بالمائة من الاصوات في اللوائح المحلية 99 مقعدا وقد يتجاوز 130 مقعدا بعد نشر نتائج التصويت على اللوائح الوطنية: النساء والشباب.
كيف لحزب امضى 5 سنوات في الحكومة ويحضى بهذه الشعبية الكبيرة. صحيح ان نسبة التصويت لم تتجاوز 43 بالمائة لكن لو كان للمغاربة رغبة في طرده من الحكومة لصوتوا بكثافة وحققوا مبتغاهم. لا يمكن فهم هذا التصويت المكثف على حزب بنكيران الا من خلال استحضار امور كثيرة حدثت خلال نهاية ولايته.
1= البيان العار للدفاع عن خدام الدولة
من الاسباب التي قد تكون دفعت المغاربة الى وضع حصيلة الحكومة جانبا والتصويت بكثافة على العدالة والتنمية بيان وزارتي الداخلية والمالية المعروف ب"الدفاع عن خدام الدولة" اي والي الرباط افتيت الذي استفاذ من بقعة في اجمل احياء الرباط بثمن بخس. الفضيحة الكبرى ان موقعي البيان الوزيرين حصاد وبوسعيد حتى هما عندهم بقعة فنفس التجزئة للي وزعاتها الدولة على "خدامها". هاد الشي اغضب المغاربة كثيرا
2= الخطاب الملكي لعيد العرش والفساد والعصمة
في هذا الخطاب كان حزب العدالة والتنمية مستهدفا في فقرة تحدث عنها الملك محمد السادس عن توظيف الخطاب الاخلاقي. دعا الى تجنب هذا التوظيف لان العصمة ما عند غير الانبياء والرسل. كانت مؤشرات قبلية عن سوء فهم او تواصل بين الملكية وبين رئاسة الحكومة او رئيس الحكومة٬ لكن خطاب العرش وضح بعضا منها. كما ان الخطاب تحدث عن الانتخابات وعن "القيامة" اي الطايح اكثر من النايض فالانتخابات.
3= تسريب الغضبة الملكية على بنكيران
نشرت "الاخبار" وبعدها "جون افريك" خبرا عن غضبة ملكية على رئيس الحكومة. مقرب من بنكيران رد ليلتها عبر "كود" انه يتواصل مع "جلالة الملك" وانه لو اراد ان يقول له امرا ما فلا يحتاج الى واسطة. الغضبة كانت بسبب تصريح تحدث فيه عن "حكومتين" في لقاء ببوزنيقة مع شبيبته. حكومة صاحب الجلالة يقودها هو وحكومة الظل ما كاينش اللي يحاسبها. نشر خبر الغضبة وعدم نشر بيان للقصر الملكي جعل الحزب يربح على الاقل معركة "الصورة". صورة الحزب المستهدف
4 = فضيحة الكوبل بنحماد والنجار ديال التوحيد والاصلاح
الامور كلها متشابكة واخراج فضيحة بنحماد والنجار الجنسبة ماشي بريئة طبعا. القضية كانت فالبدية مزيانة والمغاربة تصدمو من ناس النهار وما طال وهما يقيلو ينصحو فالمغاربة وكيديرو الجنس "بلا كاغط" وفشاطئ القمقوم حدا المحمدية مع النبوري. لكن ثاني عوروها بعد ما وركو عليها بزاف حتى البعض بدا يعتبرها مؤامرة ضدهم. فالبداية كانت زلزالا على الحزب وجناحه الدعوي الاصلاح والتوحيد ولكن التوظيف الكثير ديالها ونشرها فصحف عالمية نقص منها وخلى حاجة خايبة بزاف ضد العدالة والتنمية تقلب وتولي ورقة يلعب بها "المظلومية".
5 = بيان الديوان الملكي ضد نبيل بنعبد الله
رغم ان بيان الديوان الملكي ردا على تصريحات نبيل بنبعد الله الامين العام لحزب التقدم والاشتراكية بخصوص ان المشكلة ديال التحكم مع مؤسس البام في اشارة الى الهمة ماشي مع الحزب٬ فان حزب العدالة والتنمية اعتبر نفسه مستهدفا. ما تضمنه البيان لم يكن المقصود منه حزب بنعبد الله بل احزاب اخرى وفي مقدمتها حزب العدال والتنمية. كان من نتائجها غياب ولو لفترة لمصطلح "التحكم" عن حملة بنكيران الانتخابية. كانت الرسالة واضحة من الملكية: خليو عليكم مستشاري الملك. لكن الحزب عرف كيف يتعامل معها. استغلها بشكل تدريجي لصالحه
6= المسيرة الفضيحة اللقطية ديال "محاربة الاسلام السياسي" بكازا
ما يفسر الاقبال على حزب العدالة والتنمية هو اصرار تيار في الدولة على استهدافه بطريقة غيبة جدا. المثال الابرز هي مسيرة ذات احد بالدار البيضاء. في البداية قالوا ضد عبد الاله بنكيران رئيس الحكومة وولات ضد الاسلام السياسي. المسيرة جاءت اسبوعا قبل بداية الحملة الانتخابية ولات فضيحة. ولات مسيرة ولد زروال مرشح البام في سيدي بنور اللي كيعطي حولي لمرا فكل عيد واللي جات تهاجم بنكيران ولات لاناس ما فراسهم والو وجابوهم وضحكو عليهم. ولات فضيحة كبيرة وصافي وضحكة وزاد اكثر باش خرج وزير الداخلية وكال راه ما عارفش شكون موراها. الفضيحة ان اللي من وراها كال ليهم هزو صور الملك وكولو عاش الملك وهزو صور ولافتات ضد بنكيران وكولو ليه ارحل. حضرو مقدمية وشيوخ. حضرات احزاب ونقابات
6 = قضية بوانو والزاهيدي والتصاحيب والجنس فالبي جي دي
باش شي حاجة كتكثر كتعطي نتائج عكسية. ما قبل عن الفضيحة الجنسبة بين عبد الله بوانو والزاهيدي بجوج ديال العدالة والتنمية اعاد الحديث فضيحة النجار وبنحماد ولكن بطريقة مخالفة. كان التساؤل ماشي واش مصاحبين ولا اللا بل وعلاش مستهدفينهم. خرجات يوم قبل بدء الحملة وعطات نتائج عكسية بوانو حيح مزيان فمكناس فالانتخابات ديال البارح. علاش هاد الشي كلو ايلى كانت النتيجة هي يجي الحزب الاول وبعيد بزاف. مع هاد القضية كاينة قضية اخرى ديال شي تصاحيب ديال قياديين اخرين فالحزب مع قياديات وتنشرات فالفايس وكلشي قبل سابع اكتوبر
7 = عبث التحالف بين مريم بنصالح ديال الباطرونا ومخاريق ديال الاتحاد المغربي للشغل
ما يعطي ما يشبه المصداقية لحزب العدالة والتنمية هو انخراط مريم بنصالح ديال الباطرونا في حملة انتخابية ضد العدالة والتنمية. مريم بنصالح كانت طامعة تاخد بلاصة حفيظ العلمي في وزارة الصناعة والتجارة ايلى جات الاصالة والمعاصرة هي اللولى. دافعات بقوة. هي هو نقابة مخاريق الاتحاد المغربي للشغل اللي دعا للتصويت ضد العدالة والتنمية. باش تشوف نقابة والباطرونا ضد حزب واحد تكول القيامة قربات. هاد التصرف عطى نتيجة عكسية
8 = القباج السلفي للا والسلفيون مع احزاب اخري مرحبا
قضية حماد القباج اللي كان وكيل لائحة العدالة والتنمية في كيليز بمراكش اللي رفضاتو السلطات المحلية حقاش كاليك كيعاير ليهود وانه سلفي ما فهموهاش لمغاربة، حقاش سلفيون اخرون منهم واحد دوز الحبس التمسماني ترشح مع حزب الاستقلال فطنجة بالاضافة الى ابو حفص اللي حالة مختلفة لان هذا الانسان قطع مع الفكر الظلامي ديال السلفية. مرة اخرى شعرو البي جي دي باللي مستهدفين والناس تعاطفات معاهم. نتائجهم فمراكش تظهر قوتهم.
9 = صفقة المغرواي بفتح دور القرأن والتصويت للبام
بين عشية وضحايا رجع مفتي زواج الزواج ببنت سبع سنوات شيخ السلفيين محمد المغراوي لفتح دور القرآن. هاد الشي عندو مقابل هو دعم البام كيف قال هو فتسجيل صوتي نشراتو "كود". واخا هاكاك البي جي دي دا 5 المقاعد فمراكش وجا الاول والبام بدعم السلفيين يالله جاب 3. ولكن بعيدا على هاد الحسابات الحزب استفاد كثير
10 = فشل المؤسسات العمومية في الاعلام
حرب "دوزيم" ضد بنكيران وضد حزبه انقلبت عليهم. بان باللي لا الشركة الوطنية للاذاعة والتلفزيون لا "دوزيم" لا "ميدي 1 تي في" لا الاذاعات الخاصة لا الاعلام اثر فشعبية الحزب. هوجم وهوجم وهوجم وجاب 99 مقعد وغادي ل130 الى 140 مقعد.
طبعا هادي عوامل خارجية جاتهم هدية كاين عوامل ذاتية مهمة بزاف فيها التنظيم المحكم والاشتغال مع الجمعيات والاشتغال اليومي ماشي حتى تجي الانتخابات وصورتهم عند الناس وطبعا وجود سياسي كبير مثل بنكيران بشخصيته بشجاعته بقدرته التواصلية الخارقة