خاص. بنكيران ل"كود": ما فراسيش درت حكومة واختاريت الوزارة حتى سمعت على هاديك اللائحة

كاليك اسيدي عبد الاله بنكيران رئيس الحكومة المعين ختار حكومته ودار الوزراء. هاد الشي اشاعة ولا ماشي اشاعة محاولة باش يشوشو على تشكيل الحكومة كما قال مصدر من الاغلبية ل"كود". هاد الاسماء فيها اللي كان وفيها الجديد بحال مريم بنصالح اللي كالو غادية تاخد بصالة مولاي حفيظ العلمي اللي غادي ياخد بلاصة الرباح اللي غادي ياخذ بلاصة عمارة. هاد الشي مستحيل واخا بالكذوب. بنصالح اللي ساندات بقوة البام فالانتخابات الاخيرة واللي حاربات بزاف مولاي حفيظ العلمي ودارت كلشي باش صحاب الشركات الكبرى كلهم يتهمشو فالانتخابات الاخيرة اللي وصلات صحابها للبرلمان. كلشي هاد الشي يجعلها يستحيل تكون فحكومة مع بنكيران مع مولاي حفيظ العلمي مع اخنوش
المشكلة او المصيبة او الفضيحة او اللي بغيتو سميوها ان هاد "التشويش" كيف قال مصدر "كود" ماشي حتى متقون. وفي اتصال ل"كود" ببنكيران قال في تصريح حصري "ما فراسيش ردت الحكومة واختاريت الوزارة حتى سمعت هاديك اللائحة" اللي حتى هي ما كانش عارش اش فيها. ماشي غير هو اللي ما فراسوش. وزراء اتصلت بيهم "كود" وكاينة اسماءهم ما فخبارهم.