ها علاش الاغلبية دارت مرشحها وما دعماتش من الاول مرشح الاستقلال واش علاقة الخطاب الملكي بهاد القرار واخا بغات تقطع الطريق على مرشح البام وواش مازال الاغلبية كتيق فمزوار؟ قراو تعرفو

علمت "كود" ان الاغلبية زادت اصرارا بتقديم مرشح الاغلبية بعد الخطاب الملكي في افتتاح الدورة الخريفية الجمعة الماضية. الملك بعث رسائل الى الطبقة والسياسية وكل واحد دار قراءتو. الاغلبية اعتقدت ان هناك رسائل موجهة الى حميد شباط وفق مصدر منها ل"كود". الرسالة تتحدث عن ابتزاز الدولة لذا فان عدم تقديم مرشح للاغلبية كان سيأخذ قراءة مختلفة وعليه كان اختيار عبد اللطيف اوعمو مرشحا لرئاسة مجلس المستشارين عن الاغلبية.
كانت العدالة والتنمية والتقدم والاشتراكية وحتى الحركة الشعبية تسير في اتجاه دعم مرشح الاستقلال عبد الصمد قيوح "اعلان شباط المساندة النقدية للحكومة كان غادي يكون مزيان حقاش كان غادي يقطع الطريق على مرشح البام ولكن مع كل ما وقع ومع الخطاب الملكي تغير كل شيء" يؤكد مصدر "كود".
دابا الاغلبية تتوقع ان تحصل على الاقل على 30 صوتا في الشوط الاول من انتخابات رئيس مجلس المستشارين؟ علاش غير 30 وهما عندهم 38؟ حقاش كاين شكوك فعدم تصويت 2 من البي جي دي اللي وقفهم الحزب على خلفية بيان اللجنة الوزارية لتتبع الانتخابات وما تلاه من استعمال قاضي التحقيق لهم" يشرح مصدر "كود". ينضاف الى ذلك بعض مرشحي الحركة الشعبية قد يصوتون على مرشح اخر شي 2 ولا 3 وقد يحدث الامر نفسه مع التجمع الوطني للاحرار اللي عندو 8 اعضاء. "هاد الشي غير تقديرات راهم كالو 30 وما فوق يقدر يكون اكثر ولكن ماشي قل" يضيف مصدر "كود".
الاغلبية تتوقع ان يمر مرشحها الى الدور الثاني وفي حالة اذا لم يمر فسيتم التصويت على مرشح الاستقلال لقطع الطريق على مرشح البام.
اللي برزط جزء من الاغلبية فتقديم ترشيحها ان صلاح الدين مزوار هو اللي اصر بشكل كبير على هذا المرشح. هاد الشي يطرح اسئلة. فمزوار لم يلتزم مع الاغلبية في الانتخابات الخاصة بالجهات واختار البام على العدالة والتنمية. قيادي من احد احزاب الاغلبية توقع في تصريح ل"كود" ان يكون هذا الاصرار "غير شي مناورة"، لكن زعيما من الاغلبية رد "الرجل كلمة ومزوار كال كلمتو وحنا مصدقينو". غدا غادي يبان كلشي. غادي يبان واش مؤامرة ولا السيد بقى على موقفو وما غيروش وخوى بالاغلبية كيف ديما