سائق سكران قتل قاصر مغربي فالطاليان

مات قاصر مغربي فعمرو 15 سنة فكسيدة خايبة، لبارح الأحد ، نواحي مدينة "فيرونا" ، بعدما دخلات فيه طونوبيل جاية بالجهد و كان السائق ديالها سكران.
وفتفاصيل الحادث قالت صحف محلية إيطالية، أن الحادثة وقعات بالقرب من بلدة “زيفيتو” الي بعيدة على “فيرونا” ب 20 كلم، مع الوحدة ديال الليل، فاش كان القاصر المغربي راكب على البيكالا ديالو ، وملي عرف السائق وهو شاب فعمرو 26 عام شنو دار، هرب وخلا الضحية كيموت فعين المكان، قبل ماتوصل فرق الإنقاذ الي لقاتو جثة هامدة بفعل قوة الدهس لي تعرض ليه.
وبعدما هرب الجاني لأكثر من 10 كيلومتر، قرر يسلم راسو لمصالح “الكرينبيري” وعتارف بالجريمة .