كود تكشف كيفاش الياس العماري ركب على قضية “ديلفي” وفاجأ كلشي وجاب معاه المصور باش يبين راسو سوبر مان وها اللي خدمو كولشي

توصلت “كود” الى معطيات حصرية بخصوص فضيحة تصويرة الياس العماري رئيس جهة طنجة تطوان الحسيمة اللي نشرها البارح لخميس وبان مع مولاي حفيظ العلمي وزير الصناعة والتجارة والتكنلوجيات الحديثة والاستثمار ورئيس شركة “ديلفي” اللي كان فيها مشاكل كثيرة
حسب مصدر “كود” فان الملف من أوله ايلى يائه كان فيد وزارة مولاي حفيظ والداخلية والجهة اللي يرأسها الياس ما دارت والو.
مصدر “كود” اكد ان مولايً حفيظ العلمي باش سالى المجلس الحكومي مشى مع رئيس “ديلفي” اللي جا من ميريكان وداز لمعمل الشركة فالقنيطرة ودَّاه الوزير فطونوبيلتو، وفق مصدر “كود” لمعمل اخر فطنجة ثم زارو المعمل الثالث وهنا طلع ليهم الياس بحال الجن وجاي موجد المصور الخاص ديالو مول فضيحة “اخنوش ارحل”
كلشي تفاجأ ما عرفتش باش تبلى باش بان ليهم الياس والمصور
الداخلية والتجارة والصناعة والاستثمار يخدمو والياس يتصور وينسب ليه هاد الشي وينشرو فصفحة الجهة وكأنو إنجاز