شدو سائح ألماني كيجري عريان فالشارع ويديه مربوطين والقضية فيها الجنس ومراكشي ماتفاهمش معاه فالثمن ديال الباص

شدات عناصر من الشرطة التابعة لولاية امن مراكش، شخص عندو الجنسية الألمانية، عريان حدا تجزئة الكلية “سيدي عباد” بالمدينة الحمراء .
وقالت مصادر عليمة ل”كود” أن اعتقال السائح تمات بعد وقوع مشادة بينو وبين شاب مغربي مجهول الهوية، وسط شقة كاريها الالماني فالتجزئة المذكورة، وناض الصداع بينهم حول مبلغ مالي كانو تفاهمو عليه ىباش يدفعو السائح الاجنبي للشاب المغربي مقابل ممارسة الجنس معاه، لكن ماتفقوش فاللخر على الثمن ، وسرق ليه الشاب المغربي جوج ديال التيليفونات ومبلغ مالي وهو يهرب ، وحيت السائح الألماني دار فيها مطور ، تبعو فالبلاصة بدون مايتعطل وهو عريان، لكن مشدوش .
وفور علمها بالواقعة، انتقلات عناصر الشرطة التابعة للدائرة الامنية 16 لعين المكان ، وشدات الألماني العريان ، بتهم الشذوذ الجنسي والسكر والتعاطي للكوكايين ، وتم وضعو تحت تدابير الحراسة النظرية.