اصالة تتهم: طلبو مني الرشوة للمشاركة ف”موازين”. المكلف بالبرمجة العربية كان خاصو يمشي هادي مدة وتعطل. كان كيجيب فنانة لموازين ويشتارط عليهم جولة بشركتو

اتهمت السورية اصالة مسؤولين بلا ما تسميهم مهرجان بلا ما تسميه وهي كتقصد “موازين”٬ بالرشوة. وكتبت “طلب مني ان ارشي كي اصل لكم”. موضحة “في بداياتي وكنت بأمسّ الحاجه لأُعرّف نفسي في البلاد العربيّه، وقدّ كان حينها عرف سرّي يُدفع من الفنّان لبعض مدراء والمسؤولين عن المهرجانات الكبيره، لم أرضى أن أغنّي بهذه الطريقه، لأنّني وبفضل دعمكم ومحبّتكم وثقتكم الكبيره بي وبشخصي ، ومن بعد فضل الله عليّ وأنتم من بعد، لم أرضى لعزّتي وكرامة موهبتي واحترامي للأمانة ، أن أرّشي كي أصل لكم”
الفنانة لم يكشف شكون هاد الشخص اللي طلب الرشوة وكتبت “إن كان هناك شخص لم يلتزم بأخلاقيّات المهنه، في الحبيبة الغاليه المغرب، فمثله عشرات ومئات وآلاف في كلّ مكان على وجه الأرض ، أنا دائماً أشتاق لأنّ ألتقيكم ، وأحبّ أنّ أغنّي لكم ، مكانكم ياأهل المغرب الحبيب الأقرب لقلبي في أعمق الوجدان، ولاتكترثوا لشخص لايمثّل إِلَّا نفسه”.
شكون المكلف بالبرمجة العربية لمهرجان موازين؟ هو محمود لمسفر. واش هو اللي كتقصد اصالة؟ ما كاين حتى شي مؤشر على انه هو المعني. غير المشكلة ان هاد السيد كان خاصو يمشي فحالو مع الفرقة لقديمة ديال البرمجة فموازين. غير هو اللي بقى من هادوك اللي كانو.
المشكلة ان هاد السيد وكيف سبق ل”كود” قبل سنوات ان كشفت. كان كيجيب فنانين لموازين ويدخل معاهم سهرات اخرى فمدن اخرى بحال مازاكان. وطبعا المنظم هو الشركة ديالو.
هاد الشخص كان خاصو يطير من زمان ماشي حتى تولي فضيحة كتمس المهرجان كولو.
مصدر ل”كود” من “مغرب الثقافات” نفى ما صرحت به اصالة وانو غادي يدير بيان فهاد الشي. غير المشكل ان طلبات بحال هادي وكتكون فمهرجانات كثيرة فالمغرب وخارجو ما كاين عليها دليل. كتكون بشكل مباشر بين الفنان والوسيط او الوكيل او وسيط الوكيل