واش بصاح وزير الداخلية رسل استفسار لاخشيشن بخصوص حادثة بنتو؟ لا الجهة فراسها لا الداخلية فراسها

واش بصاح وزير الداخلية عبد الوافي لفتيت وجه رسالة استفسار لاحمد اخشيشن رئيس جهة مراكش تانسيفت الحوز بخصوص حادثة سير دارتها بنتو مع بوطو الضو فشارع المهدي بنبركة بالرباط السبت اللي فات؟
“كود” سولات الجهة ولقات ما فراسها والو. ما كاين حتى شي استفسار لرئيسها ابدا. سولات الداخلية وما فراسها والو حتى هي.
اللي تحدث على القضية رجع للمادة 67 من قانون الجهات. هاد المادة كتقول “اذا ارتكب رئيس المجلس افعالا مخالفة للقوانين والانظمة الجاري بها العمل قامت السلطة الحكومية المكلفة بالداخلية بمراسلته للادلاء بايضاحات كتابية حول الافعال المنسوبة اليه داخل اجل لا يتعدى عشرة ايام ابتداء من تاريخ التوصل”. واش هنا رئيس الجهة فقضية اخشيشن ارتكب افعال مخالفة للقوانين واش من قوانين وانظمة هادي. الطونوبيلة هي الوحيدة اللي عندها علاقة بالجهة فهاد الموضوع. على هاد القبال حتى واحد ما فراسو لا الجهة لا الداخلية بخصوص هاد الاستفسار