وتگول واش المغاربة عندهم شي جين فيه الابداع.. حتى فاش كيبغيو يديرو شي لعبة كيديرو “كوبيي – كولي” لكونسيبط قديم وكيتسناو الناس تصفق وتبهر. “هابي بورثداي سيدنا” الكادو ديال “ريد وان” للملك (فيديو)

بحال كي كانت دارت “ماريلين مونرو” للرئيس الامريكي كينيدي فعيد ميلادو سنة 1962، وغنات ليه “هابي بورثداي ميستر بريزيدانت”، واخا كانت شابعة دوا وموحال واش عاقلة على راسها فداك اللحظة، المنتج المغربي “ريد وان” دار نفس الحاجة، وخرج اغنية جديدة سميتها “Happy Birthday Sidna” كادو للملك في عيد الشباب اي عيد ميلادو، والكلمات ديالها كون عطينا لدري صغير فالثالث يقادهم كون كتب حسن منهم.
جمع فهاد الاغنية عدد من المشاهير المغاربة، الي بزاف منهم عبارة عن “passe-partout”، رباعة ديال الانتهازيين فين ما درتي تلقاهم! تدارت ملحمة؟ حاضرين، دارو كوميديا ولا فيستيفال ولا اي لعبة، هما حاضرين.. گرام ديال الابداع والموهبة ماعندهومش ولكن الجبهة والسنطيحة موجودين.
من بين “الفنانة” الي شاركو فهاد العمل “الفني” كاين: مومو، ليلى حديوي، راشيد علالي (راشيد شو)، سعد لمجرد، الدوزي، دنيا باطمة، أسماء لمنور، حاتم عمور، أش كاين، إيكو، الفناير، امينوكس، گاد المالح، ومرات ريد وان ليلى عزيز.