زوجة الوزير الخلفي ل”كود”: داك (لاكارط فيزيت) ديالي وراه كاينة عند زوجات السفراء والوزراء وها وقتاش كنستعملوها

بعد الضجة الواسعة، التي أعقبت نشر بطاقة معلوماتها على مواقع التواصل الاجتماعي، التي تعرف بنفسها زوجة مصطفى الخلفي الناطق الرسمي باسم الحكومة والوزير المندتب المكلف بالعلاقات مع البرلمان والمجتمع المدني، خرجت زوجة الوزير عن صمتها لتؤكد ل”كود” أن “داك الكارت فيزيت” ديالها.
وأوضحت زوجة الوزير الخلفي، في تصريح ل”كود”، قائلة: “داك لاكارط ديالي تستعمل في إطار ما هو دبلوماسي وكاينة عند شي 20 امراة ومنعرف كيفاش تم تأويلها بهاد الطريقة وأستعملها في إطار الوضعيات التي أستدعى إليها بصفتي زوجة الوزير سيما أنا عضوة نشيطة ضمن هيئة النساء المغربيات الدبلوماسيات وكيعرضو علينا ديما نساء السفراء فالحفلات الوطنية وغيرها”.
وزادت زوجة الخلفي: “مني كنكون حاضرة فشي نشاط بصفة زوجة الوزير رفقة زوجات السفراء والوزراء كنتعارفو بداك البطاقة وفي نطاق محدود جدا. ولا أتهم حتى شي جهة اللّي ناضت تخرج الموضوع على السياق ديالو الحقيقي ويلا كونت استعملت داك لاكارط فقضاء أمور شخصية خاص داك الجهة تعلن على راسها وراها كاينة حتى عند عدد من زوجات الوزراء وهادي وسيلة ديال التواصل معمول بها”.