دابا انا ماعندي ماااايدار خاصني ندير شي شركة ديال النصب ولكن اش غادي ندير ؟؟؟ غادي نمشي لمنطقة سوس و نشري زيت اركان 1 litre ب 200 درهم و غادي ندير ليه emballage ب 50 درهم و غادي يطلع ليا ب250 درهم ولكن كيفاش غادي نبيعو ؟؟؟ خاصني شي خطة جهنمية باش نجمع فلوس بزاف من عند المكلخين صافي لقيت الحل … غادي نجمع الناس فشي فندق و نشرح ليهم طريقة الربح . لي خدا زيت اركان من عندي ب 2500 درهم غادي يولي موزع فالشركة ديالنا و غادي يقدر يبيعو ب3000 درهم و يربح 500 درهم و زيادة على ذلك غادي يحصل على 2 ديال النقاط ديال الوفاء ويلا مشى حتى دخل جوج خرين لي غادي يشريو زيت اركان ب5000 درهم غادي يربح معانا 500 درهم اخرى و ربعة النقاط اخرى و هاد النقاط كاتخول ليه ياخد روميز و عملات من الشركة لي يقدر ياخدها فاش يجيب ناس جداد طبعا ههههه نوقفو عند هاد الحد و نحسب شحال جمعت من المكلخين 5000 + 2500 = 7500 7500 – 750 ( bach t9am produit ) = 6750 dh 6750 – 500 (no9at) = 6250 dh اذن ربحت غير من جوج نيفوات 6250 درهم باش نزيد الربح اش خاصني ندير ؟؟؟ خاصني نقول للناس يدخلو ناس خرين باش يربحوحتى هوما و نقوليهم بيلي راه كاين غير تلات مستويات حيت هذا تسويق ديالنا شبكي ماشي هرمي هههههه (تلاث مستويات يعني نتا فاش كاتجيب منخرط و حتى داك المنخرط كايجيب منخرط اخر … فهاد الحالة شكلتو تلاث مستويات) ولكن اقدر يجيو عندي المشتركين الجداد يقولو ليا راه الناس ماكايتيقوش و ماكانقدروش ندخلوهم . باش غادي نجاوبهم انا ؟؟؟ غادي.نقوليهم هادوك راه غير اعداء النجاح و راه المنتوج ديالنا معترف بيه دوليا و عندو شهادات عالمية ….. مالي كذبت راه زيت اركان هذا كولو منافع . باش نكمل العملية ديالي غادي نسمي الشركة ديالي fooorever و المكلخين لي خدامين معايا نعطيهم سميات على حسب كل مستوى باش يتيق راسو مقاول Cascadeur Distributeur Animateur Manager إلخ إلخ سميات زوينين باش يبقاو يتفلعصو على بعضياتهم ههههه واخى هوما راه ما تاحاجة. الموهيم ذابا خاصني نبقى نجمعهم مرة مرة فشي فندق نعيق عليهم بالطوموبيل و الكوستار و نبقى نهضر ليهم عل النجاح والمغامرة حتى نفخ ليهم راسهم و اصلا شكون غادي يجي ينخرط معايا ؟؟؟؟ يا ايما شي شومور و لا شي ربة بيت ولا شي مكلخ خدام و عندو صالير طايح …. هاذو دغيا ناكل ليهم ذماغهم و نلعب ليهم على نقاط الضعف ….. بحال توقيت العمل و بحال الجلسة فالدار و بحال قلت مايدار و زيد و زيد و نبين راسي هو المثال الاعلى للنجاح ههههههههههههههه . هادشي داروه في الخارخ في الثمانينات وعافو بيهم . اجي ويلا بداو كايسولو فيا على cnss ولا cimr اش غادي ندير ؟؟؟؟؟ غادي نقوليهم راه نتى مقاول حر سير دير لاكارط ديال المقاول حر و بقى تخلص على راسك cnss ههههههههه نرجعو دابا شوية للشركة لي كبرات و تعرفات حيت كولشي باغي يربح ذغيا ….. ذابا خاصني نزيد عليها بعض اللمسات ديال iso و ال Fizo ديال التنظيم بحال system de gestion صافي و نخلي بنادم خدام على راسو كايجمع ناس خرين فالقهاوي و فالفيسبوك و يبقى يخطب عليهم : «بغيتي تخدم بالصالير لي بغيتي و فالوقت لي بغيتي …. و يوريهم تصاور ديال الفلوس و الشيكات حيت شعب طماع مع الاسف . المضمون من هاد الحكاية لي كاتعاود كل نهار و كاتسمع كل نهار سمية ديال شركة لي بغات ليك الخير و بغاتك دير لاباس … راه هاد السيستيم هو باش كاتخدم . يعني عوض ما تصنع منتوج تدخل بيه السوق و تنافس فيه و تكون عندها سمعة زوينة كاتمشي و كاتبع هاد الاساليب الخبيثة . و حتى الا بغيتي تبيع المنتوج فشي محل و لا دير ليه الاشهار كايمنعوك بحجة ان حنا كانديرو غير التسويق الشبكي و هامش الربح كانعطيوه للمنخرطين و لكن فحقيقية الامر انهم ماكايبغيوش يديرو ليه الاشهار باش مايخضعش للجنة تحديد الاسعار و تنضيمها في السوق و حتى كاع الا هبط للسوق و بغى ينافس غادي يلقى منتوجات اخرى بثمن رخييص و معقول و ماغديش تستمر الشركة حيت مبنية على جلب اموال المنخرطين ماش البيع و الشرى الكلاسيكي . هادي رسالة للناس ديال فوريفر و ماي واي الميساج واااااضح و باين ….. هادشي مكتوب على اركان ماااشي aleo vera و اصلا aloe vera هي الكرموصاو «الهنذية» ولي غير موجودة فولاية تكساس الامريكية و حتى فبلادنا غير كينطقوها بالانجليزية باش مايحكروهاش . يعني اذا طلع اذا ليا اركان ب250 درهم و لي مايقدر حتى شي قرد يعيب على اركان و المنافع ديالو و لي كاين غير فالمغرب فلكم واسع النظر detox شحال غادي يكون مقيوم لي مصاوب بالعظام ديال الهنذية ……. لي حتى هي مفيدة اما ماي واي فهي شركة مصرية دارها مصري و جاي يدير لاباس على ظهر المغاربة بمنتوجات اصلا كاينة فالبلاد …… اللهلوبة . منقول
