البوليس فكك شبكة فيها غير لعيالات وها كيفاش قولبو الناس فوظائف وهمية

“لابيجي” ديال قنطيرة قرقبات البارح الثلاثاء على جوج عيالات الأعمار ديالهوم من العمر 37 و41 سنة. هاد جوج عيالات عندوم علاقة بواحد الشبكة إجرامية ديال النصب والاحتيال وتزوير وثائق رسمية فالإطار ديال عمليات التوظيف الوهمي.
البوليس ديال قنيطرة قرقبو على هاد جوج عيالات بعدما سمعو لواحد جوج ديال الناس تقدمو أمام مدرسة ديال التكوين البوليسي وعندهم باستدعاء مزور وكيقول أنه تقبلو فالمباراة ديال الشرطة، وذلك قبل أن يكشف البحث عن تشخيص جوج ضحايا آخرين، وتوقيف المشتبه فيها اللي كانت كتدير دور الوساطة فالعمليات ديال التوظيف الوهمي، واللّي لقاو عندها البوليس إيصالات لتحويلات مالية.
الإجراءات ديال البحث اللّي مزال متواصلة فهاد القضية مكنات من توقيف المتهمة الرئيسية فتمارة، واللّي سلات عمليات التفتيش المنجزة داخل دارها عن حجز مجموعة كبيرة من الاستدعاءات اللّي مزورة وعندها علاقة بامتحانات عدة مؤسسات عمومية، و13 استدعاء مزور ديال امتحانات البوليس، علاوة على وثائق هوية ومستندات إدارية .
هاد لعيالات لي دبا راهوم فالحراسة النظرية كانو كينصبو على المرشحين لاجتياز الامتحانات الوظيفية لأسلاك الشرطة وغيرها من الامتحانات التي تجريها المؤسسات العمومية، مقابل مبالغ مالية كتراوح ما بين 40 ألف و80 ألف درهم للمرشح الواحد.