البوليس قرقبو على البنت اللّي تصورات بالكسوة ديال بوليسي وبانت عريانة فصور آخرين، وهذي قصتها..

علمت “كود” أن لابيجي- الشرطة القضائية- ديال ولاية أمن وجدة قرقبات على داك البنت اللي بانت فصور بزي نظامي ديال بوليسي وبانت فصور آخرين وهي عر يانة تماما. هاد السيدة لي فعمرها 24 سنة عندها سوابق قضائية ومتهمة بارتداء زي نظامي خاص بوظيفة عمومية بشكل علني وبغير حق والتقاط صور خليعة.
المعلومات اللي حصلات عليها “كود” كشفات على أن هاد السيدة كانت خدات صور فوتوغرافية وهي لابسة الكسوة ديال بوليسي كيخدم فمدينة السعيدية. هادشي وقع أثناء قيامها بأشغال التنظيف ديال منزل هاد البوليسي فالفصل ديال الصيف المنصرم.
وأفادت مصادر “كود” أن هاد الموقوفة فقدات فداك الوقت الهاتف ديالها ونشرو ليها تلك الصور مع صور أخرى كتبان فيها عريانة وثقتها فالمنزل ديالها الشخصي وفأوقات مختلفة.
دبا هاد السيدة راها فالحراسة النظرية وداك البوليسي مول الكسوة تم الاستماع غليه باش يعرفو التفاصيل كولها ديال هاد الحادث اللي رون “الواتساب”.