موت طفل ف أكبر سوق تجاري بفاس

اهتز سوق “برج فاس” وسط العاصمة العلمية، مساء أمس الأحد، على وقع فاجعة خايبة بزاف وخلعات الناس بلا قياص. ووفق ما كشفت عنه مصادر محلية، ل”كود”، فإن شي دري مزال قاصر سقط بشكل عرضي من أعلى السلم الإلكتروني لي كاين داخل السوق ومات.
وحسب مصادر من مكان الحادث، ل”كود”، فإن الضحية طاح مسكين على واحد الحاجز ديال داك السلم الإلكتروني، حيث لفظ أنفاسه في الحين، قبل أن تأمر النيابة العامة بإحالة جتثه على مستودع الأموات من أجل إخضاعها لعملية التشريح الطبي.
يشار إلى أن هاد السوق يتخبط في اختلالات وفوضى كبيرة بزاف غادي نرجعو ليها. التنظيم فيه ناقص وحتى الشركة لي مكلفة بالحراسة ديالو فاشلة. يوميا كاين مشاكل. مثلا غير البارح السوق كاين عامر بحال الحمام وخلاو الناس يدخلو، علما أن الطاقة الاستعابية ديالو لا تسمح بهادشي.