نشر صور أمنة ماء العينين. من حق “الاخبار” و”برلمان” تنشرهم وهي ايلى بغات تشكك فصحتها تشكك والعلم يحسم هاد الشي

كاين نقاش حول نشر صحف ورقية ورقمية لصور أمنة ماء العينين برلمانية العدالة والتنمية بلا درة فباريس. نقاش خاوي هاداك اللي كينتاقد نشر “الاخبار” و”برلمان” نشرهم كاول صحف نشرات هاد السبق. راه حلم كل صحافي يحصل على صور بحال هادو. فاوربا كيتعطاو فلوس كثيرة بزاف باش تشريهم الصحف وتنفارد بنشرهم.
الصحف دارت خدمتها باش نشراتهم. زواية المعالجة كيتهمها هي. ما يمكنش لشي صحافي عزيز عليه لخبار يكون ضد نشر سبق بحال هادا. اسلامية حيدات الدرة فباريس.
النقاش السياسي فهاد الموضوع فيه اختلاف ولكن نشر الصحف هاداك امر اخر.
دابا ماء العينين قالت باللي الصحف ماشي صحيحة والصحف جاوباتها سيري عند اي مختبر بغيتي فالمغرب وخارجو باش يعرفو واش صحيحة ولا فوطو شوب وحنا نخلصو الخبرة. ما قالو عيب. ماء العينين قالت راها غادية تمشي لعند القضاء هادا من حقها.