ورثة الأمير سعود الفيصل رفضو يخلصو شركة ديال البورنو صورات فيلمات ديال الجنس خاصة لباهم.. والقضية فيها 3 فيديوهات كل واحد المدة ديالو 45 دقيقة

الأمير سعود الفيصل لي مات خلا موراه ورث خايب فقضية أفلام البورنو لي طلبها من شركة فرنسية سميتها “كونسييرج”، وما خلصش 90 الف أورو.
المحكمة الفرنسية غادي تقول الحكم ديالها اليوم الخميس فهاد الملف، كيفما قالت صحيفة “ليكسبريس” الفرنسية، حيت الورثة مابغاوش يخلصو الشركة على الفيديوهات الجنسية لي تصوبات للأمير شخصيا.
الورثة كيدافعو على الاب ديالهم لي مات بسكتة قلبية في نيويورك في 2015، ومبغاوش يخلصو الشركة حيت اعتبرو الامر كذوب، وكيضرب سمعة العائلة الملكية السعودية.
الشركة الفرنسية حسب المصدر اكدات ان الأمير زبون قديم، وحاولو يتخلصو وياخدو فلوسهم بشكل ودي، ولكن ملي الورثة مابغاوش، قررو يمشيو للمحكمة ياخدو حقهم بالقانون، ومابين الحجج لي عندهم، ايمايلات تبادلاتهم الشركة مع واحد كان خدام عند الامير.
الامير كان عندو رغبات وفونطازمات “سبيسيال”، وطلب من الشركة تصور ليه فيديوهات فيهم العشيقة ديالو لي عندها جنسية عربية كتمارس الجنس مع واحد من دول جنوب الصحراء، وماكيبغيش يشوفها كتعنف او مربوطة، غير لي معاها يكون فحل ومدومينيها.
المجموع كامل فيه 3 ديال الأفلام كل واحد المدة ديالو 45 دقيقة، والقيمة ديالهم 50 ألف اورو و25 ألف اورو ديال المصاريف، زائد 15 ألف أورو ديال الضريبة.
المقال الاصلي:
https://www.lexpress.fr/actualite/societe/justice/films-pornos-l-embarrassant-heritage-du-prince-saoudien_2057202.html