ربورتاج: المغاربة كيشوفو سنة 2018 كحلة وباغيين يهربو من البلاد وها شنو تمناو ل2019

سكان دوار الگرعة كيحتجو قبالت البرلمان
Publiée par GOUD sur Mardi 1 janvier 2019
2018 مكانتش سنة عادية بالنسبة للمغاربة، لي اغلبهم وفق تصريحات ل”كود”، كانت سنة كحلة، حيث كاين لي باغي يخوي البلاد لشي قنت اخر، كاين لي باغي يحرك وصافي ومعارفش فين.
كانت الساعة تقريبا تشير إلى التاسعة ليلا بالرباط٬ كلشي كيتقاضا لحلوى والبيرات باش يحتافل بطريقتو الخاصة، كاينين لي خداو الحلوى حيث باغيين يفرحو وليداتهم، وكاين لي يستغل الفرصة باش يضبر على ساطا ديالو احتافل معها، مادامت المناسبة شرط.
“كود” خلا الأماكن لي فيها ناس هاي كلاص، وهبطات بالقرب من سوق شعبي فسلا، وبالضبط فحي تابريكت، تلاقت ناس كاين لي بغا يهضر وكاين لي رفض وباقي عندو فوبيا من الكاميرا.
ها إنتظارات المغاربة للسنة الجديدة
Publiée par GOUD sur Mardi 1 janvier 2019
فالأول كنا غاديين ودايرين فالبال بلي غايسرقونا ولا يتهجمو علينا، فعلا كانت محاولة لشي براهش يحيدو لينا كامير لكن شاءت الأقدار نتفكو منهم.
سهام والهام: مكرهوش يخويو البلاد وكاعين على الساعة الإضافية
بالنسبة لسهام والهام لي ساكنين فسلا كتبان ليهم “2018” سنة مكفسة ومكرهوش يخويو هاد الرقعة.
سهام كتقول ل”كود” ” كانو حاجات زونين وحاجات خايبسن الحياة هي هاذي شوية هكذا وشوية هكذا والحياة كتستمر ولكن الحمد لله على كل حال كنتمناو 2019 إن شاء الله دخل علينا بالصحة والسلامة واكون المغرب كامل فاستقرار وحتى العالم العربي كامل مايبقاوش فيه الحروب ويتحقوا بزاف الدحويجات و الله ياخد الحق فهداك لي زاد علينا ساعة”.
طبعا دازو بزاف د العيالات رفضوا يتكلموا، الاغلبية مابغاوش يبانوا باستثناء زوج شابات فمقتبل العمر لي كانت عاندم الشجاعة والجرأة الكافييتين باش اعبروا عن الرأي ديالهم بخصوص السؤال لتطرح عليهم
مول بيتيرسي: متفاءل
بالنسبة لمول بتيسري لي مشهورة فحي تابريكت بالقرب كيقول بلي ” الأجواء كيف ما عتاد عليها المغاربة لي كيحتافلو الاحتفال بهذه المناسبة كما عهدوا مع تحفظ البعض ومعارضته للحفلة لا ان الكثير منهم يشتري الحلوى دراس السنة كحتلفظ بها حتى اليوم الثاني وكتناولها”.
“أما بالنسبة للإقبال ناس نفء”ئس الشيء كيف ما العوام لي فاتت حتى حاجة ما تغيرت اما 2019 كنتمناو فيها الخير ف للانسان ما تمنى ولله الآخرة والاو لى”. كان هذا مجمل ما قاله صاحب محل في تصريحه ل”كود”.
شخص من ذوي الاحتياجات الخاصة: كاين الحكرة فالبلاد
بالنسبة لأحد الأشخاص من ذوي الاحتياجات يقول ل”كود” :”كنعانيو بزاف وباقي كنعانيو وكنلقاو مشكل مع ترانات لي كيطلبو منا نخلصو”.
وأضاف :” كنعانيو من التهميش وبغينا من 2019 على الاقل يخرجو لينا بطاقة المعاق باش كتحميه من جميع المشاكل لا من صحة”.
باقي تفاصيل الربورتاج غانشروه غدا بصوت وصورة مع شهادات اخرى.