اجتماع بين الحكومة وشركات المحروقات.. الوزير الداودي ل”كود”: الا مطبقوش الاتفاق غاندير شغالي ونرجع لداكشي ديال 2015

omarelmouzaine@gmail.com
علمت “كود”، من مصادر مطلعة، أن الاجتماع الذي عقده لحسن الداودي، وزير الشؤون العامة والحكامة، مع ممثلين عن شركات المحروقات، مساء اليوم الثلاثاء، انتهى بتقديم عدد من المرتقات في وجه سخون بين الحكومة وهاد الشركات.
وحسب مصادر حضرت هاد اللقاء، فإن الاجتماع العاصفي كان فيه نقاش حاد بين ممثلي الشركات والحكومة في شخص الوزير الداودي الذي أكد في أكثر من مناسبة أن تسقيف المحروقات جاي جاي، سيما في ما يتعلق بهامش الربح”.
من جهته، أكد الوزير الداودي وقوع بعض التشنجات فهاد اللقاء، وأوضح في تصريح ل”كود”، قائلاً: “بطبيعة الحال أي اجتماع كيكون فيه أمور صعيبة وساهلة، لكن أظن أنهم فهمو بأنه إما يكون التوافق او الحكومة غادي تدير شغالها، ودبا اللعب مابقاش والا مكاين والو غادي اندير شغالي ونرجع ليهوم لداكشي ديال 2015”
وأكد الوزير الداودي، في ذات التصريح ل”كود”، قائلاً: “اتفقنا باش نعاودو انديرو اجتماع آخر قريب ويكون هو التالي باش نحسمو هاد الملف واندوزو لقضايا كبيرة أخرى، لكن الحمد لله الأمور غادية في الاتجاه الصحيح”.
وأضاف الوزير الداودي:”سأتفق معهم على هامش لي يبقا ديما وغادي نعلم بيه المغاربة، والا طبقوه هي هاديك، والا مطبقوهش غادي نسقف وغادي نقولها للمغاربة، والتسقيف جاي جاي. والا توافقو معاي المغاربة غادي يربحو، والشركات مخاصهومش يبقاو ياخدو جوج دراهم و13، ماشي مشكل يربحو لكن شويا، ماشي بشكل فاحش”.