الوزير الداودي ل”كَود”: الأسعار ديال المحروقات خاصها تهبط اَخر هاد الشهر ويلا مهبطوش أنا غادي نتكلف..

قال الوزير المنتدب لدى رئيس الحكومة المكلف بالشؤون العامة والحكامة، لحسن الداودي، أن الارتفاع ديال أسعار المحروقات طالعة حقاش كان تشرى هاد المازوط شحال هادي ماشي اليوم، مشددا على أن فالتالي ديال هاد الشهر خاصهوم يهبطوه.
وأضاف الوزير الداودي، في تصريح هاتفي ل”كود”، قائلاً: “راه يلا مهبطوش غادي نهطبو أنا وهادشي راه مكاينش فيبه اللّعب وهذا قرار اتخداتو الحكومة ويلا مهبطوش غادي نمشي للتسقيف وهادشي مافيهش اللعب ويلا بغاو يشدو الطريق داكشي لي بغينا والهدف ديالنا ماشي نضربو بلعصا وبغينا الثقافة تتغير”.
وزاد الوزير الدوادي: “دبا التوجه العام يلا مكانش شي زلزال سياسي فالعالم التوجه خاصو يهبط إلى أقل من 55 او قل من 50 وأنا حاضي الهامش اللّي كيهمني وشحال كيربحو ويلا بدا الثمن كيهبط وكيكبر الهامش غادي نسقف”.
وأكد الوزير الداودي على أن الثمن الدولي عارفو مزيان. وختم تصريحه مع “كود” على أن هاد الشركات مخاصهومش يستغلو هاد الهبوط ويطلعو الثمن”.