تقربلات فالمستشارين.. الوزير الدكالي لبرلماني: ماتبقاش تكذب. وبنعزوز يرد: سير تحشم على عرضك

في أول جلسة عقدها مجلس المستشارين بمناسبة افتتاح دورة أبريل للسنة التشريعية 2018-2019، شهدت الجلسة المتواصلة منذ زوال اليوم الثلاثاء، إلى مشدات كلامية خايبة بزايد بين وزير الصحة، أنس الدكالي، وفريق حزب الأصالة والمعاصرة.
أحد البرلمانيين ديال البام اعطا كلام قاصح للوزير الدكالي، وانتقد بشدة الغياب ديال الأجهزة الطبية في عدد من المستشفيات العمومية، ومنح مواعيد بعيدة المدى لمرضى مغاربة من أجل إجراء عمليات حراجية وغيرها. هاد البرلماني قال الوزير ذنوب الناس على رقبتك. الدكالي يرد عليه وقاليه جيتي عندي البيرو وقلت ليك غادي انديرو صبيطار فداك لبلاصة لي قلتي ومتبقاش تكذب على المغاربة.
رد فريق البام كان سريع. فكما تابعت “كود”. فقد تقدم رئيس الفريق عبد العزيز بنعزوز بطلب نقطة نظام لرئيس الجلسة، وخاطب الوزير الدكالي بالقول: “كنقوليك يا السيد الوزير سير تحشم على عرضك شويا”.
مصطفى الخلفي، الوزير المكلف بالعلاقات مع البرلمان والمجتمع المدني، جاتو النفس على صاحبو الدكالي. وطلب حتى هو نقطة نظام وقال فيها: “خاص العلاقة بين الوزراء والنواب تبقى مبنية على الاحترام”.