مازال زايد فيه.. برلماني البي جي دي اللّي حصل ب3 التليفونات داخل قسم الامتحان ل”كود”: انا راني خدام ومعندي مندير بالباك.. دخلت الهواتف بحالي بحال كاع الثلاميذ وطلبت من اللجنة تعرف معامن كتهضر

في أول خروج له بعد ضبطه متلبسا بحيازة ثلاثة هواتف نقالة أثناء اجتيازه الامتحان الجهوي الخاص بالمترشحين الأحرار بإعدادية العراف بمدينة الرباط، أكد النائب البرلماني عن حزب العدالة والتنمية، نور الدين قشيبل، أنه بالفعل كان بحوزته داخل مركز الامتحان ثلاثة هواتف في حدود الساعة الثامنة من صباح اليوم السبت.
وسرد قشيبل تفاصيل لعملية ضبطه من قبل لجنة جهوية تابعة لأكاديمية الرباط. وأوضح ل”كود”، قائلاً: “دخلت مركز الامتحان كباقي التلاميذ باش ندوّز حر حقاش بغيت إنشاء الله اندير الحقوق العربية السنة المقبلة وخا راني خدام ومعندي مندير بالباك”.
وأضاف: “المهم جيت صباحا لمركز الامتحان وحطيت السيارة ديالي حدا الباب وكانو 3 هواتف نقالة فجيبي، وكيف دخلت اعطاوني لواراق بحال باقي المترشحين وبعد 20 دقيقة جات لجنة وبداو كيقلبو فيا، وكيسولو وكيقولو أنه عندي شي حاجة ماشي هي هاديك وبأنه عندي علاقة بشي شبكة”.
وتابع البرلماني قشيبل قائلاً: “طلبت من اللجنة أن تحترم نفسها وأن تعرف معامن كتهضر. وراه التلاميذ كولهوم كانو بالهواتف وجاو عندي غير أنا بوحدي، والبورطابلات ديالي كانو عندي فقط للخدمة ديال ماشي باش نقلع”.
“كود” سولات قشيبل على كون الدخول إلى مراكز الامتحان بالهواتف النقالة يعتبر غشا كما جاء في قانون محاربة الغش الذي صادق عليه إلى جانب نواب الأمة. فقال ل”كود”: صحيح هادشي لكن شفت التلاميذ كولهوم هازين البورطابلات وداكشي علاش دخلتهوم معاه بشكل عادي”.
ورفض البرلماني المذكور يتحمل مسؤوليتو فالغش، مكتفيا بالقول: “هادشي اللي وقع ليا سياسي”.