هاد الشي اللي كان خاصنا فرمضان باش تكمل التصطية. بالصور: بولحية ومنقبات هجمو على الحقوقية وعضوة اليسار الموحد بآيت ملول وخربو مختبرها. الشتواني ل"كود": كالو علي ملحدة وغادين نوريوك مالين لحي اش كيسواو

هاد المتشددين مزال مابغاو يشحمو خلاص. هادشي بان البارح فآيت ملول بعدما تعرضت بشرى الشتواني رئيسة إنزكان يت ملول للجمعية المغربية لحقوق الإنسان لاعتداء وسب وشتم من قبل ملتحي ومنقابات متطرفات اتهموها بالإلحاد والدعارة وزيد وزيد…
وحسب ما أكدته بشرى في تصريح ل"كود": "هادي 3 ايام وشي واحد عندو لحية وشي منقابات كايجيو عندي للمختبر ديالي لصناعة الاسنان وقالو ليا انهم اعطاو شي تسبيق ما تسبيق ديال 500 درهم للكاتبة ديالي لكن هادشي كولو كذوب فكذوب حيتاش أصلاً فديك الوقت اللي كايقولو هوما انا كنت فواحد الجنازة عائلية".
هاد المنقبات، حسب ممثلة الجمعية المغربية لحقوق الإنسان في إنزكان آيت ملول ل"كود" "وصل بيهوم الحد باش يقولو لها انتي ملحدة وغادي تعرف مزيان شكون هوما مالين لحي وزيد عليها التهديد فالهاتف النقال في اوقات متاخرة من الليل".
وأضافت بشرى قائلة ل"كود" " دبا راه البوليس ديال الدائرة الأمنية الأولى آزرو آيت ملول فتحو تحقيق وغادي يجيو يديرو محضر المعاينة فالمحل ديالي اللي تعرض للتخريب من قبل هاد المنقابات وديك الملتحي".