الدولة مضاربة مع الدولة فقضية رونار. كيفاش الرياضية اقالتو ولاماب نفات

غريب اللي وقع البارح فقضية ايرفي رونار مدرب الاسود لحد الساعة. خرجات تدوينة لقناة الرياضية كتقول باللي رونار استاقل من مهمتو كمدرب للمنتخب المغربي لكرة القدم. هادي قناة تابعة للشركة الوطنية للاذاعة والتلفزيون. يعني قناة رسمية عمومية ما مسموحش ليها بنشر الا ما هو رسمي مؤكد منه.
باش تنشر لخبار كلشي نشرو. ما يمكنش يدير حسن بوطبسيل مدير القناة شي حاجة ماشي رسمية.
داز شوية الوقت وهو يجي تكذيب لخبار هاد المؤسسة العمومية من قبل مؤسسة عمومية اخرى. فقد نشرت وكالة المغرب العربي للانباء بيان للجامعة الملكية المغربية لكرة القدم يقول ان رونار مازال “لحد الساعة” مدربا للاسود وانها تنفي ما نشر بخصوص الاستقالة.
قناة الرياضية لم تتراجع عن خبرها ولاماب كذبتها. اريفي رونار خرج بتدوينة زادت موضوعه غموضا. كتب ” قمنا بتقييم مشاركة المنتخب في المسابقات وتحدثنا عن المستقبل وقد ابلغته عن وجهة نظري”.
المهم فهاد الشي كيفاش جوج مؤسسات تابعين للدولة مناطحين. شي حاجة غريبة ماشي فهاد القضية ولكن فكلشي باش وصلنا لصراع بحال هاكدا.
.