صفقة مليار دولار:شكون نصدقو فهاد لبلاد وشكون كيقرر؟ الناطق الرسمي : الحكومة لم ترفض الترخيص و”لوديسك”: هيئة مراقبة التأمينات غادية ترفض لهاد السبب والخارجية: ما عندنا علاقة حنا

كلشي فالمغرب غريب هاد ليام. كلشي كيعني باللي كيتوجدو امور كثيرة. فقد نشرت “لوديسك” خبرا قالت فيه ان هيئة مراقبة التأمينات والاحتياط الاجتماعي ما غادياش توافق على صفقة القرن اللي بموجبها شرات شركة التأمينات الجنوب افريقية “سانلام” شركة التأمينات “ساهام” يوم ثامن مارس الماضي بمليار دولار.
الجريدة قالت وفق مصادر “الهيئة اللي كتراقب التأمينات غادية ترفض ودليلها “الحفاظ على مصالح البلد العليا” ضد بريتوريا وتدخلاتها على الصعيد الافريقي كما اوضحت “لوديسك” انه ديبلوماسيا ما يمكنش للمغرب يعطي لهاد الدولة الجنوب افريقية انتشار عندنا وفالقارة الافريقية والشرق الاوسط =ساهام كاينة ف26 دولة= اي ان الديبلوماسية او اللي وراها يرفض هاد الصقفة وعلاش ما دارهاش فالبدية.
وتحدث مقال وقعه مدير النشر الصحافي القافز علي عمار٬ عن تخوف المغرب من هيمنة جنوب افريقيا للي غادية تولي الفاعل الرابع على 13 بالمائة من السوق.
هاد التخوف ديال هاد المصدر فشي شكل حقال القطاع فيه الفرنسيين والسويسريين بل هاد لفرانسيس عندهم 20 بالمائة من السوق المحلية.
مصدر من وزارة المالية اللي تابعة ليها هيئة مراقبة التأمينات والاحتياط الاجتماعي =واخا هي شخص معنوي عمومي تتمتع بالاستقلال المالي= نفى ل”كود” هاد الشي واكد ما اكده الناطق الرسمي باسم الحكومة مصطفى الخلفي الخميس الماضي في الندوة الصحافية عقب المجلس الحكومي الاسبوعي. الخلفي قال عن التأخر في اتمام الصفقة “هاد الشي كيهم “الشركة الافريقية” اللي خاصها “تنهي مساطر اتمام بيع الدولي”. وأضاف الخلفي ":يجب أن ننتبه أن ما تم ترويجه يفيد العكس".
وأكد الخلفي ان الحكومة لم ترفض الترخيص لهذا العقد، وأن الأمر يخضع للمساطر. وتابع المسؤول الحكومي :"المعطيات التي اتوفر عليها هي أن هذه عملية تجارية على مستوى الدولي بين القطاع الخاص"
الاسئلة المحتملة اللي كيوجدها الناطق الرسمي باسم الحكومة كيف كان قال ل”كود” في وقت سابق تتم بتنسيق مع وزير المالية فالقضايا المماثلة. اي ان هاد الجواب الرسمي للحكومة كيعنيها بكل وزاراتها بما فيها المالية والخارجية.
الخارجية علاش حقاش التخوفات اللي برر بها مصدر “لوديسك” وقف الصفقة هو مصالح البلاد العليا. وفق مصدر من الخارجية فهاد الملف ما عمرو كان كيخصها ولا كان كيعنيها. “هاد الشي ما عمرنا هدرنا فيه ولا دخلنا فيه وعليه ما عمرنا قلنا اش غادي يدار فيه” يحكي المصدر ل”كود”
اش كيعني هاد الشي كولو؟
كاين التخربيق فالبلاد. كاين مشكلة كبيرة هاد ليام. بدات مع هاد الشي ديال المقاطعة وفيها هاد البيعة والشرية ديال “ساهام”. دولة نازلة بكل ثقلها باش تستثمر فافريقيا وكتشجع كاع رجال الاعمال يستثمرو وفنفس الوقت كتخاف ايلى جا شي حد من جنوب افريقيا يستثمر فقطاع ماشي حيوي بحال التأمين. حتى دولة فالقارة الافريقية تقبلو. ثم هاد لخبار ديال قرار مرتقب لهيئة مراقبة التأمينات والاحتياط الاجتماعي باش ترفض اتمام الصقفة بمبررات دولة ما عندها علاقة بالليبرالية وحرية المبادرة =بحال بلادنا= جا بعد فترة قصيرة من طلب وزير الصناعة والتجارة والتكنلوجيات الحديثة مولاي حفيظ العلمي =مالك ساهام كذلك= تقدم به لرئيس الحكومة باش يدير لجنة تحقق فما يتم ترويجه عن استفادة صفقته من مشروع قانون دارتو وزارة بوسعيد. القانون كيهم اللي كيشري ماشي اللي كيبيع ومع ذلك نايضة عليه.
الشواقر خدامة وصافي. شي كيضرب فشي. شي عينو يقتل شي. اش كيتوجد لهاد لبلاد. علمه عند من يدير هاد الشي كولو