خاليوزيتش عيط لفضال والتوهامي… سايس وبلهندة وبوطيب مشاو بحالهم – تصاور

وحيد خاليلوزيتش، مدرب ديال المنتخب المغربي عيط هاد الصباح على زهير فضال، لاعب بتيس الإسباني باش يشارك في مباراتي بوركينافاسو والنيجر الجمعة والثلاثاء المقبلين.
فضال، ماشي بوحدو لي عيطلو خاليلوزيتش، بل حتى انور التهامي عيط لو باش يدخل الكونصونطىاسيو ديال مراكش.
علاش خاليلوزيتش استدعى هاد جوج اللعابة، لاحقاش بكل بساطة، أن خمسة لاعبين جاو مضروبين من عند فراقيهم، وهم رومان سايس ويونس بلهندة والمهدي بوربيعة وبدر بانون وعمر بوطيب.
وأكثر من هادشي ان هاد الخمسة ديال لعابة مشاو بحالهم باش يتبعوا العلاج ديالهم مع فرقهم.
الحصة التدريبية الأولى لخاليلوزيتش مع المنتخب البارح الاثنين شارك فيها أغلب اللعابة باستثناء الحارس ياسين بونو وحكيم زياش والمهدي كارسيلا والإخوان نور الدين وسفيان أمرابط، لي وصلوا متاخرين. وربما الجميع غادي يكون حاضر في الحصة الثانية هاد لعشية.