مانولوفيتش: ما غاديش نتسوق للغيابات وغانربح الديربي.. السلامي: خدمنا بزاف على الفيزيك والمورال

الصربي زوران مانولوفيتش، مدرب الوداد البيضاوي، عبر عن جاهزية فريقه للفوز الديربي الذي يجمعها بالرجاء البيضاوي هاد العشية بمركب محمد الخامس في الدار البيضاء، برسم إياب ثمن نهائي كأس محمد السادس للأندية الأبطال.
وأكد مانولوفيتش إن الوداد مستعد للفوز واخا التعادل بزيرو لزيرو كايأهلو للربع النهائي “غادي ندخلو للتيران باش نربحوا الماتش وحنا مستعدين للديربي”.
وبخصوص الغيابات، أكد مانولوفيتش إن الغيابات ما مصوقش ليها، لحقاش عندو اللعابة لي غادي يعوضوا الغائبين. وأضاف “خاصنا نربحو واخا الرجا ما شي ساهل باش تربحو بسهولة”.
أما جمال السلامي، مدرب الرجاء البيضاوي، فأكد أن فريقه مستعد للديربي رغم صعوبته، مشيرا إلى أن اللعابة ديالو عارفين قيمة الفوز في هاد الماتش، خصوصا في هاد الظرف بالذات.
وأضاف السلامي أنه خدم بزاف على الفيزيك والمورال في ليامات الأخيرة حتى يكون اللاعبين مستعدين لمواجهة الوداد في الديربي.
الرجاء البيضاوي مطالب بالفوز على التعادل باكثر من هدف إلا بغا يتأهل للربع النهائي في الوقت، لي التعادل السلبي يؤهل للوداد للدور القادم، طالما أن ديربي الذهاب انتهى بين الفريقين بالتعادل هدف لمثله.