البهجة: رئيس المحمدية گالنا إلا ما حيتوش من بون التوش غادي نخسركم ولاربيط سب اللعابة ديالنا وفمراكش 8 تيرانات وباقي نلعبوا فالجزائر

احمد البهجة، مدرب الكوكب المراكشي نوض النحل على هشام ايت منا، رئيس شباب المحمدية، واتهمو ضمنيا أنه كان سبب خسارة فريقه أمام شباب المحمدية اليوم الأحد بجوج لواحد، برسم اولى مباريات اياب بطولة القسم الثاني لكرة القدم.
البهجة أكد في تصريحات صحافية بلي ايت منا منع فريقه من القيام بالتسخينات والجلوس في بون التوش، اللي على اليمين، بما أن الكوكب هو المستقبل، وأضاف “جا عندنا رئيس شباب المحمدية وگالنا الا ما يحيتوش من هنا غادي تخسرو الماتش واش هادي رياضة هادي، أو حيدنا صحا، سولنا الحكم وكالنا انتوما اللي عندكم الحق لأنكم مستقبلينهوم”.
المدرب أحمد البهجة أكد في تصريحو بنبرة غاضبة “الرئيس كالنا والله حتى نخسركم ولاربيط ديال التوش سب اللعابة ديالنا وحتى البيت اللي ماركاو كان اورجو”.
وبخصوص السبب اللي جعل الكوكب يستقبل المحمدية فملعب البشير، أجاب البهجة باستغراب “حتى حنا ما عارفينش واش عندنا 8 تيرانات صالحة للعب ونجيوا للمحمدية نلعبو، الحماق هادا، خاصنا نعرفوا شنو السبب، وباقي نلعبوا فالجزائر”.