فين جمعيات الصحافيين دياولنا؟.. صحافة الدزاير استاضفو “وزير” من البوليساريو باش يسبو المغرب على ود فوت صال العيون وأنگولا والموزمبيق دارت خاوية فعامرة لأعداء المغرب

مازال الجزائر كتشن حملة عمياء على تنظيم نهائيات كأس إفريقيا فالعيون، واخا هي غير معنية بالمشاركة، لأن منتخبها تقصى.
دابا الحرب على المغرب ما مقتصرش غير على جنرالات وحكام الجزائر البيادق، ولكن امتد حتى للصحافيين ديالهم، اللي تحولوا لأبواق باش يسبوا المغرب بلا حيا بلا حشما.
أشنو دخل الصحافيين فنزاع أو خلاف سياسي بين بلد وجبهة انفصالية وبلد 0خر كاري حنكو.
مناسبة الكلام، أن “سفير” ديال البوليساريو المدعو عبد القادر عمر نوه بموقف الجزائر على قضية تدخلها السافر في كأس إفريقيا وشكر المنظمة الوطنية للصحافيين الرياضيين الجزائريين على استضافتهم “وزير” الشباب ديال الجبهة بالمركز الصحافي لمجمع بوضياف الأولمبي، والمناسبة طبعا باش يديرو حملة على المغرب.
الجزائر مرضات هاد ليامات وغادي تمرض أكثر فاش غادي يعرف صحافيوها أن أنگولا والموزمبيق حليفا جنوب إفريقيا، جات للعيون وغادي يشاركوا في البطولة الإفريقية وتعزلات الجزائر وجنوب أفريقيا بوحدها.
دابا أشنو دور الجمعيات ديال الصحافيين دياولنا وما أكثرهم علاش مادارو حتى رد فعل في حق هادوك الصحافيين الدزايرة، اللي ظلوا كايستقبلوهم كل مرة.
هذه قضية مغربية والصحراء عزيزة على المغاربة واي مس بها هو إهانة للشعب المغربي برمته. وافينكم أصحاب جمعيات الصحافيين