كورونا فيروس قتل 242 صيني فنهار واحد وضحاياه وصلو ل14840 و15 الف اصابة والخلعة منو لغات اكبر معرض دالتلفونات فبرشلونة

كورونا فيروس غادي ويرعب فالعالم. مدير منظمة الصحة العالمية زاد خلع العالم باش قال باللي لحد الان ما عارفينش فاي اتجاه غادي ياخذ هاد المرض. الاتجاه الوحيد دابا هو القتل والرعب.
فالصين ضرب ضربة خايبة باش قتل فنهار واحد 242 صيني فمقاطعة هوبي البارح الاربعاء. حكام الصين ما لقاو باش يردو من غير اقالة عمدة هاد المدينة. التلفة صافي. الحزب الشيوعي الصيني غادي ويشوه فصورتو. فشل فالتعامل ومواجهة هاد المرض اللي قتل فهاد البلاد لحد الان 14840 وقالت السلطات الصينية انها سجلات 15 الف اصابة جديدة وسجلت حوالي 15 ألف إصابة جديدة بعد أن استخدمت السلطات طريقة تشخيص جديدة.
دابا ما عارفينش بالضبط حجم تفشي هاد الفيروس القاتل.
الفيروس دار الرعب فاوربا وقارات اخرى. اخرها هو الغاء أكبر معرض للهواتف المحمولة في العالم بمدينة برشلونة الاسبانية. معرض كيدخل لخزينة المدينة 500 مليون اورو. الالغاء صدم السلطات الاسبانية اللق قالت باللي ما كانش دواعي صحية ليه. المنظمون شافو الشركات لكبار قاطعاتو بسباب كورونا فيروس وهما يلقيوه.
الرعب دابا كاين ايلى تلغى انشطة كبيرة خارج الصين منها الالعاب الاولمبية اللي غادية تكون فالصيف فاليابان