مازالة زايدة فيه.. راجل دنيا باطمة جاب ليها كادووات في عيد الحب وهي صورات كولشي باش تعيق على المتتبعين

ماجا فين دوز 24 ساعة على فيديوهات الثقة في النفس لي قالت فيهم دنيا باطمة أن صوتها ماكاينش بحالو وأنها ماعندهاش منافس، حتى حطات ألبوم ديال التصاور باش تفقص شي وحدين ماكتسميهمش.
ونشرات دنيا البارح في الليل فيديوهات وتصاور ديال الحلوة لي فاجأها بيها راجلها محمد الترك معاها الورد وسرتلة ديال الذهب.
الواحد مزيان يحتفل بالحب وينشرو، غير هي الطريقة لي بينات بيها دنيا الدمالج ديال الذهب وكيفاش أنها حطات كثر من 10 ديال التصاور لنفس الحاجة خلاها عوتاني تكون محط انتقاد.
الاحتفال كان في دار باطمة في المغرب بما أنها ممنوع عليها تخرج من البلاد حتى يسالي التحقيق معاها في قضية عصابة “حمزة مون بيبي” هي وختها ابتسام باطمة.