تاخر الشتا بدا يدخل الخلعة على الفلاحة الصغار بجهة كازا سطات

يشعر بزاف ديال الفلاحة في جهة البيضاء سطاى بالخوف بسبب قلة التساقطات المطرية لتقطعات منذ مدة طويلة، وبدات الخلعة تدخل القلوب ديالهم، خاصة في المناطق البورية.
وقال مصدر ان الحبوب والقطاني ضرات بزاف من قلة التساقطات مقارنة مع الموسم الفلاحي السابق. وزاد المصدر ذاته ان الكثير من الفلاحين الصغار في اكبر جهة بالمغرب، وهي جهة البيضاء سطات، خافين بزاف من موسم فلاحي جاف. حيت غادي يتسبب ليهم بي خسائر مادية كثيرة بزاف.
وباقي الاقتصاد في المغرب تيعتامد بزاف على الامطار، ففي الوقت لتتنزل فيه الشتا بزاف تيكون كلشي ناشط وفاش تيكون الجفاف تيبدا يتسرب الخوف ماشي الفلاحين بوحدهم ولكن أيضاء لمجموعة من أصحاب المهن الأخرى، لان الناس تيقولو الخير راه مع الشتا.
قلة الشتا هاذ الايام وموضوع كورونا ولات حديث المقاهي خاصة في الدارالبيضاء، فالناس تتنسى ان تنزل الشتا في هاذ مارس باش تنقذ شي مزروعات خاصة الحبوب والقطاني، وقال مصدر راه الوضعية صعيبة في حالة إلى مصباتش الشتا في هاذ الشهر لأن الفلاحة الصغار غادي ياكلوا مساكن العصا بزاف وغادي يعانوا من بزاف تاع الخسائر في هذا العام.