كََلسو فديوركم. راحنا قربنا ل2000. تسجيل 100 اصابة بكورونا هاد الصباح.. وصلنا فالطوطال ل1988 .. 127 ماتو و218 براو

علنات وزارة الصحة، فالموقع ديالها الرسمي اللي خصصاتو للكشف على الحالة الوبائية فالمغرب مع ظهور فيروس كورونا المستجد، اليوم الأربعاء، بللي تزادو 100 إصابة بفيروس كورونا من الستة دالعشية حتى للعشرة دالصباح ديال اليوم، باش يولي العدد الإجمالي للإصابات هو 1988 إصابة.
وبينما لبارح علنات الوزارة على عدم تسجيل أية وفاة جديدة بالفيروس ف24 ساعة اللي فاتت، هذ الصباح تسجلات وفاة وحدة جديدة، وهكذا صبح إجمالي عدد الوفيات 127.
بالنسبة لحالات الشفاء، اليوم تسجلات كذلك غير حالة شفاء جديدة وحدة، باش يولي الطوطال هو 218.
وبناء على هذ المعطيات، فكيمكن نستنتجو بللي الحالات النشيطة اللي مصابة بالفيروس، بمعنى اللي كتتلقى علاجها فالسبيطارات المغربية، بلغ 1643 حالة.
أما بالنسبة للحالات اللي تم استبعادها فالطوطال بعد نتيجة مخبرية سلبية، فهي 8404 حالة.
أما بالنسبة للتوزيع ديال الإصابات على حساب الجهات، فالوزارة حيداتو فخطرة من الموقع ديالها، وواقيلا غاتولي تتحدث على التوزيع فالندوة الصحفية اللي كاديرها يوميا مع 6 دالعشية.