المغاربة العالقين فالخارج .. وزير الخارجية ل"كود": من الناحية المبدئية وزير الصحة هو اللّي كيقرر ودبا كاين 30 ألف مغربي عالق والدولة ميمكنش تتخلى عليهم

كشف ناص بوريطة، وزير الشؤون الخارجية والتعاون الافريقي والمغاربة المقيمين بالخارج، أن عدد المغاربة العالقين في الخارج بسبب جائحة "كورونا" فيروس وصل إلى نحو 30 ألف مغربي، مشيرا إلى أن هاد المغاربة تواصلو مع مصالح السفارات والقنصليات عبر العالم.
وأوضح المسؤول الحكومي، في تصريح ل"كود"، أنه مكاينش شي عملية تقنية كتديرها الخارجية لتحديد عدد المغاربة العالقين، مؤكدا أن كل مغربي عالق تواصل بشكل مباشر مع السفارات والقنصليات.
وأكد الوزير بوريطة أن قرار عودة المغاربة العالقين بالخارج بيد السلطات العمومية المغربية، موضحا بالقول: "من الناحية المبدئية وزير الصحة هو اللي كيقرر، وراه هو اللّي قال انديرو الكمامات وقال منبقاش نصليو فالمساجد، ووزارته هي من قررت الحجر الصحي، وهادي جائحة صحية وطبيعي أن وزير الصحة هو اللي كيقرر".
وأبرز أن الدولة لا يمكن ان تتخلى عن رعاياها، مضيفا بالقول: "وكان غادي تتخلى عليهم مغاديش تدير ليهوم الإقامة ديال 6000 واحد فيهم". وأشار إلى أن أن توقيت العودة اللّي خاصو يكون وغادي يكون مرتبط بظروف عندها علاقة بشنو غادي يوقع ليهوم مني غادي يدخلو ماشي يكون شكون غادي يجيبهوم.
وتابع وزير الخارجية قائلاً: "شكون غادي يجيبهوم راه مسألة ساهلة، وإنشاء الله قريب يرجعو ومني تهيئ الظروف. دبا حنا ميكينش نعرفو من دبا 20 أو 21 ماي شنو غادي يوقع، وهذا قرار يهم 35 مليون، وصعيب باش تقول شي تاريخ محدد حقاش الوضعية تتطور بشكل مستمر".