خاص محاكمة عمدة تمارة حقاش كيدعم المتطرفين وكيعتابرهم قدوة ليه. جايبين ارهابي كيكفر الديموقراطية بحال هاداك النقيب وعطاوه اسم زنقة. قال: ننكر ونرفض الديموقراطية لا منشأها ولا تطبيقاتها اسلامية =فيديو

هادا رئيس المجلس البلدي لتمارة من حزب العدالة والتنمية ايلى ما كانش متطرف وداعم للتطرف اش نسميوه. كيفاش بحقارة سمى زنقة فحي المنصور الذهبي باسماء هادوك الارهابيين. اييه ارهابيين ومنظرين للارهاب. ماشي غير اهانة للمغرب ولتاريخو ولرجالاتو بل "احترام وانبهار بهادوك المتطرفين".
ناخدو هاداك الارهابي المصري احمد النقيب. فيديو ديالو كيكفر الديموقراطية. سمعو الفيديو اش كيقول فيه. نحن ننكر الديموقراطية ونرفضها ثم اضاف ان الديموقراطية حكم القلة للشعب ماشي الشعب للشعب وباللي ما كاينش شي حاجة اسمها الديموقراطيةوالسبب ان لا المنشأ ديالها اسلامي ولا تطبيقاتها اسلامية.
دابا هاداك رئيس المجلس البلدي لتمارة شاف هاد الشيخ ديالو وعرفو عارف افكارو. جابو وعطى اسمو لتمارة. اش كيعني. كيعني انو بصاح باغي يدير الخلافة فالبلاد وباللي ما كيآمنش بالديموقراطية بحال الشيخ ديالو وباللي وجودو خطر على البلاد. خاص محاكمتو على هاد الفعلة وصافي. اما يتحايدو هادوك لبلايك ما كافياش. راه خطر هاد التصرف. حزبو خاصو يتصرف معاه.