واش فراسكم شي نكرة ولى “سفير للاغنية المغربية” اسمه مصعب وعنزي. اش داك ل”بشارة خير” وتجمع هادوك الفنانين الاجانب من العرب وافريقيا وخليو عليكم ملك المغرب للمغاربة

ديما باغي يبان ديما باغي يزايد حتى على لمغاربة. شي خليجي ما عرفناش من تصلط علينا اسمه مصعب العنزي وبعد فضيحة اغنية على عيد العرش رجع بفيديو اسمه “بشارة خير”. اولا هاد النكرة مقدم راسو سفير الاغنية المغربية. وكولو باز. ثانيا جمع فنانين اجانب من دول عربية وافريقية كيجيو للمغرب وكلهم دارو تصريح قصير فيه “الف مبروك لعودة جلالة الملك” وتم بثه ليلة امس الاثنين بعد وصول الملك الى ارض الوطن.
هادا اللي كيقول على راسو كاتب كلمات وعطاوه وسام يا حسرة بغى يركب على قضية ماشي ديالو. عودة الملك قضية كتهم لمغاربة ماشي الاجانب. غير يبعدو منا. اللي شاف هاداك الفيديو كلشي كيقول الف مبروك على عودة الملك وووو يتخلع ويقول اش وقع من غير العملية الجراحية وعلاش هاد الهيلالة كلها. يعني ان فيديو يقدر يعطي نتائج عكسية، وبلا هاد الشي يا سيدي سير فحالك ديها فالجهة ضاراك اش لاحك. هادا موضوع مغربي مغربي كيهم لمغاربة وما محتاجينش منك توريهم كيفاش يستقبلو ملكم.