وزارة الصحة مستمرة فالتحسيس: المغرب دوز اكفس سيمانة على مستوى انتشار فيروس كورونا.. وإلى عندك مرا حاملة فالدار ولا راجل كبير ولا مريض خاصك تكون مسؤول

وزارة الصحة مازال مستمرة فتوعية وتحسيس المواطنين بخطورة انتشار فيروس كورونا المستجد، بحيث قال معاذ المرابط، منسق المركز الوطني لعمليات الطوارئ العامة بوزارة الصحة، ان هذ السيمانة اللي دوز المغرب هي اكفس سيمانة من حيث معدلات انتشار الفيروس، وحقق فيها ارتفاع كبير فعدد الحالات والوفيات والحالات النشيطة قبل من جميع السيمانات اللي دازو.
ولتجنب الأسوء، كينصح المرابط، فالحصيلة الأسبوعية لفيروس كورونا، باش اللي عندو مرا حاملة فدار او كترضع او مرا ولا راجل كبار فالسن أو مراض او اشخاص عندهم ضعف فالمناعة، خاصو "يكون مسؤول" ويلتزم بتدابير الوقاية باش يتجنب نقل العدوى ليهم.
وعاود ذكر المرابط بأهمية وضع الكمامة، واحترام مسافة الامان، والتباعد الاجتماعي، وتجنب التجمعات، مع التعقيم وغسل اليدين بشكل مستمر لتفادي انتقال عدوى كورونا.