ماكملاش سيمانة باش طاحت دار فكازا.. دار خرى طاحت فالمدينة القديمة فالرباط وكانت غاتمشي فيها روح.. ومول الدار ل"كود": مي نجات باعجوبة – تصاور وفيديو

البارح مع 3 ديال الصباح طاح جزء من منزل وسط الرباط، تقطن فيها عائلة رباطية.
وحسب مصادر محلية فإن جزء من المنزل انهار بسبب تشققات ناتجة عن اشغال هدم منزل مجاور، لكن دون تسجيل أي خسائر بشرية.
"كود" مشات لعين المكان، حيث عاينت حجم الدمار لي فالدار. ومول الدار كشف ل"كود" ان البيت لي انهار كانت ساكنة فيه الام ديالو، لي نجات باعجوبة، حيث مكانتش مرتاحة تبقا فيه البارح، حسب ما شهادته.
دار طاحت وسط الرباط..ماشي من الديور الايلة للسقوط وسيدة كبيرة كانت غاتمشي فيها
Publiée par Goud.ma sur Mercredi 2 septembre 2020
الغريب في الامر هو ان هاد المنزل لي موجود ف زنقة الطاجين وسط المدينة القديمة، ماشي من الديور الايلة للسقوط، وهو ما يساءل السلطات عن غياب المراقبة لهاد الديور القديمة لي ممكن طيح ف أي وقت.
حاليا عدد من الديور كيعرفو اشغال، وديور ملاصقين وممكن يطيحو ف اي وقت، في غياب مراقبة للسلطات المعنية بالمراقبة وبالتعمير.