نايضا على كعكة 18 ألف سكن بإقليم الصخيرات تمارة باش يقضيو على البرارك.. شبهات صفقات بين شركات محظوظة ومسؤولين: البدية ب15 ألف شقة و20 مليون ثمن للواحدة والمستفيد غايخلص 10 مليون

علمت "كود" من أحد المقاولين الكبار بإقليم الصخيرات تمارة، أن "شبهات" كثيرة بدأت تتسرب حول مشروع اتفاقية ضخمة، بموجبها سيتم اقتناء 18 ألف شقة، بهدف القضاء على السكن الصفيحي (البرارك) بإقليم الصخيرات تمارة.
وحسب مصادر متطابقة، فإن عامل إقليم الصخيرات تمارة، أخبر رئيس مجلس جماعة تمارة المنتمي لحزب العدالة والتنمية، وجود مشروع اتفاقية جديدة للقضاء على السكن الصفيحي. الاتفاقية غاتكون مع المقاولين الخواص.
المعطيات التي تسربت من اجتماع العامل مع مكتب مجلس تمارة، تفيد بأن المشروع يتضمن جزئين، الأول هو أن يتم القضاء على السكن الصفيحي بإقليم تمارة أولا لأنه يوجد بهذه المدينة ما يناهز 15 ألف سكن صفيحي، والجزء الثاني يشمل الصخيرات.
وحسب ذات المعطيات فإن المبلغ المحدد لاقتناء الشقة الواحدة هو 20 مليون سنتيم، بحيث أن المستفيد غايخلص 10 مليون والمالية 4 مليون والباقي بين الجماعة والعمالة والضومين.
هاد فكرة مشروع اتفاقية (بين القطاع الخاص والعام) جابها العامل، على أساس أن العمالة غاتجمع المقاولين المعروفين، باش تشري عندهم السكن.
حاليا مشروع الاتفاقية مزال متوصلوش بها اعضاء الجماعة ديال تمارة. وغايتناقش ف دورة اكتوبر ديال الجماعة. من دبا لتما غايبان حقائق جديدة على هذا المشروع المثير.
كاين حاليا 18 ألف سكن صفيحي فإقليم تمارة الصخيرات، منها 15 ألف براكة ف تمارة بوحدها.
دبا نايضا بين الشركات والمقاولات ديال البناء، شي كيقول كاين باك صاحبي والعلاقات باش يستفدو شي وحدين كيعتبرو راسهم مقربين بزاف من المسؤولين.