مازال عدد التحاليل هابط بزاف ووزارة الصحة ماعطات حتى تفسير.. اليوم دارو غير 15160 تيست خرج منهم 2647 مغربي ومغربية مصابين بكورونا و50 ماتو و2727 براو

علنات وزارة الصحة، اليوم الجمعة، على إصابة 2647 واحد بفيروس كورونا المستجد، وهكذا وصل الإجمالي ديال الحالات ل412393، ووصل مؤشر الإصابة التراكمي ل1135,6 لكل 100 ألف نسمة، بمعدل 7,3 لكل 100 ألف نسمة فهذ 24 ساعة.
وهذ القلة فعدد الإصابات راجعة لقلة التحاليل اللي دارت اليوم واللي كدار مؤخرا، وكان عددها فالمجموع 15160، تحيدات منها 12513 حالة سلبية.
وحسب نشرة كوفيد 19 اليومية، الوفيات انخفضو بشكل ملحوظ، بحيث ماتو اليوم 50، وبلغ الإجمالي 6854، بنسبة فتك ديال 1,7 فالمية.
وتشافاو اليوم 2727، ووصل الإجمالي ل372725، بنسبة تعافي طلعات ل90,4 فالمية.
ووصل عدد الحالات النشيطة ل32814، وعدد الحالات الحرجة تحددو ف1097 حالة.
ومن الحالات الحرجة، 140 تدهورات حالتهم غير هذ النهار، و95 تحت التنفس الاصطناعي الاختراقي.
وكتتوزع الإصابات والوفيات الجديدة على الجهات والأقاليم كما يلي:
وهذا المنحنى الوبائي اليومي والأسبوعي:
وهذو الوفيات الأسبوعية: