عندنا وزير خارجية فاشل وكيحماق على الطبالة.. زيارة الوفد الاسرائيلي كشفات الوجه "البئيس" للتواصل عند الخارجية

التواصل عند وزارة الخارجية، فاشل فاشل فاشل. وكاين علاش. حيث الوزير ناصر بوريطة باغي يرد الوزارة ديال باه. اقصاء الصحافة لي كادير خدمة مهنية من الأنشطة الرسمية والدولية.
علاش التواصل حيث الوزير، كيفضل الطبالة والغياطة، مباغيش صحافة كتسول وكتحرجو، وكتنتقدو. باغي صحافة ديال فيما تفتحات شي قنصلية يصوروه ويصفقو ليه.
اخر ابداعات الوزير الفاشل فالتواصل، هي "الوزارة مفراسهاش كيفاش يديرو مع الاعلام مع قدوم الوفد الاسرائيلي"، الصحافة الدولية تستغرب كيفاش وزير مقدش يرسل ليهم برنامج الزيارة. الصحافة الوطنية مفهمات والو، مكاين لا برنامج ولا فين ولا كيفاش ولا هاد مسؤولي التواصل تاصلو وخبرو الصحافيين بلي مغاديش يكونو تصريحات اعلامية ولا والو.
اييه دبا الصحافيين كيسولو الاسرائيليين لعلى وعسى يعطيوهم شي معلومات على المغرب. راه شوهة نمشيو عند البراني باش يعطينا معلومات على برنامج وزارة الخارجية.
ولكن الحقيقة هي انه ف بلد ديمقراطي بحال اسرائيل السلطة الرابعة عندها مكانة محترمة، وكيقدروها وكيمدوها المسؤولين بالمعطيات، ماشي بحال المغرب لي فيها مسؤولين بحال بوريطة لي عندو تفكير اعلامي متخلف.
دابا الطائرة الاسرائيلية اللي غاتجيب الوفد الامريكي الاسرائيلي للرباط، غاتحلق مع ال10 و45 دقيقة وغاتوصل للمغرب مع 15 و45، اي 6 ساعات.