إعلامي مغربي هولندي يتحدى بوريطة عبر "كود": رجعت ف20 مارس من المغرب وما كاينش تمييز بينا وبين اللي من اصل هولندي وخاص لوزير يعتاذر

تحدى أنس بنضريف، إعلامي مغربي مقيم في هولندا، وزير الخارجية ناصر بوريطة، بأن يقدم أدلة على أن هولندا ميزات بين المغاربة الهولنديين (جنسية مزدوجة) والهولنديين.
وقال أنس بنضريف في حديثه مع "كود" إن "كنتحداو بوريطة يعطينا أرقام ديال الرحلات ويعطيونا رحلة وحدة ولا تصريح بلي هولندا كتفرض غير الهولنديين لي دخلو".
وشدد بنضريف ل"كود" أن "المغاربة لي عندهم جنسية مزدجة مع هولندا، عندهم مشكلة بسيطة هي أن المغرب لا يعطي الترخيص للطائرات الهولندية بالنزول في المطارات المغربية".
وأفاد بنضريف أنه سافر يوم 20 مارس في رحلة أغلب مسافريها مغاربة هولنديين.
وقال بنضريف في تدوينة على الفايسبوك :" بدل اعتذار بوريطة لاستغلال مغاربة هولندا في مشاحنات سياسية اختار الهجوم. سياسة اضربني وبكا واسبقني وشكا. مزاعم بوريطة ان هولندا كانت تميز في رحلاتها بين المغاربة الهولنديين والهولنديين لا اساس لها من الصحة".
وأضاف :"غادرت في اخر طائرة من البيضاء الى امستردام وكان اغلب من في الطائرة من مغاربة هولندا. لم تتدخل هولندا في حجز التذاكر . التذاكر كانت مطروحة للبيع كاي تذاكر عادية. ننتظر ان يقدم لنا بوريطة رقم رحلة واحدة خصصت للهولنديين دون مغاربة هولندا واعده ان صدق ان نرفع دعوى قضائية ضد خارجية هولندا".
ناصر بوريطة وزير الخارجية والتعاون فاشل فالتواصل وكيعيب على دول بحال اسبانيا وبلجيكا علاش جبدات المغرب وقالت باللي الرباط اللي رفضات تسمح للي عندهم الجنسية المزودجة يرجعو لهاد الدول.
حتى ليوم أمس الخميس 23 ابريل 2020 باش جا لمجلس النواب عاد وزير خارجيتنا هجم على بلجيكا وهولندا. قال باللي هاد الدول دارو تمييز ضد كل هولندي وبلجيكي من اصل مغربي اثناء اجلاء الدولتين لمواطنيهم من المغرب. بوريطة اللي كان اليوم فلجنة الخارجية والدفاع الوطني والاوقاف والشؤون الاسلامية مجلس النواب قال باللي المغرب ما دخلش فاعداد حتى شي لائحة مع هاد الدول.
فحالة هولندا قال الوزير باللي دارت رحلات كثيرة ولكن هي اللي كانت كتحكم فاللوائح ماشي المغرب. مع بلجيكا قال بوريطة باللي التواقف اللي كان مع لبلاجكة فيه نقل مواطنين لاسباب انسانية صافي.
وزير الخارجية اكد باللي المغرب سهل لكاع الدول تدي ناسها وباللي كانت اكثر من 500 رحلة وباللي ما دخل فاعداد حتى شي لائحة من اللي خاصهم يرجعو لهاد الدول.
اللي غريب هو علاش بوريطة سكت هاد المدة كلها. علاش سكت باش بلجيكا وهولندا وهادي ويومين اسبانيا كلهم قالو باللي المغرب هو اللي ما خلاش اللي عندهم جنسية مزدوجة : مغربية وجنسية هاد الدول= يخرجو من المغرب.