تخربيقة كبيرة هادي. مدرسة پريڤي فبويزكارن دارت الصلا كامتحان للتلاميذ.. والرمضاني: أول مرة نعرف أن الصلا موضوع فرض فشي مدارس

الأسس البيداغوجية ديال الامتحانات معروفة، لكن واحد المدرسة بريفي ذات التوجه الإسلامي فبويزكارن فيها الزيادات بالزاف، بحيث دارت الصلاة كفرض عملي لتلاميذ المستوى الرابع.
هذ الامتحان الغريب والفريد من نوعو ممكن يدير البوز، وباين أن الغاية منو هو ان استعمال الدين للدعاية للمدرسة، ولكنها وكتعلم "الصلا والاخلاق الحميدة للتلاميذ" باش تستمل الأسر وتكسب كليان جديد، تماما كيف كيديرو "تجار الدين" فالسياسة.
المنشط الإذاعي والصحافي رضوار الرمضاني حتى هو جاتو هذ الصلا فشكل، وقال فتدوينة ليه: "لأول مرة أعرف أن الصلاة "موضوع" فرض في بعض المدارس المغربية..."
وزاد: "تقبل الله منا ومنهم، وأنجحنا في "فروض" الدنيا وفي امتحانات الآخرة... اللهم آمين يا رب العالمين...".