قيس سعيد شوه بلادو وبزاف. واش كانت محاولة لتسميم رئيس تونس؟ النيابة العامة: ما كاين حتى مادة سامة او متفجرة

الرئيس التونسي قيس سعيد طالقها وصافي. وصل اونڤلوب للرئاسة التونسية ناض كيقول بلا بينة باللي فيه مواد خطيرة ومتفجرة وسامة وباللي شي مديرة الديوان الرئاسي سخفات ومشات للصبيطار وباللي هاداك الشي كان موجه للرئيس وسماه هاد التخربيق ""محاولة تسميم رئيس الجمهورية".
النيابة العامة فهاد لبلاد خرجات البارح نتيجة تحقيقاتها: ما كاين لا سم لا سيدي زكري. وقالت انه وفق نتائج التحاليل التي أجرتها الإدارة الفرعية للمخابر الجنائية والعلمية بوزارة الداخلية "تبين عدم احتوائه =الطرد= على أية مواد مشبوهة سامة أو مخدرة أو خطرة أو متفجرة".
لفضيحة ان هاد الشي ولى عندو ابعاد كبيرة. رؤساء دول تاصلو بسعيد كيضامنو معاه. السعيد شوه تونس. عندو مشاكل داخلية مع الحكومة الجديدة وبغى يستغل هاد الطرد وطلع كلشي كذوب
ا